Qazaqstan • 04 Aqpan, 2020

Sıfrlandyrý jobalary halyqtyń turmys jaǵdaıyn kótere me?

44 retkórsetildi

Ákimdiktermen 5 negizgi jáne 6 qosymsha baǵytta sıfrlandyrý jobasy ázirlenip jatyr. Bul týraly Premer-Mınıstrdiń baspasóz qyzmeti habarlady.

О́tken jylǵy jumys nátıjesinde «aqyldy» qalalardyń reıtıngi quryldy. Bul reıtıng jarty jyl saıyn jańaryp otyrady.

Osy jyly aldymen ákimdikter 112 jáne 109 qyzmetterin aıaqtaýy tıis. Odan basqa, qoǵamdyq kólikterde elektrondy bıletterdi engizý tájirıbesin ári qaraı taratý qajet.

Prezıdent Qasym-Jomart Kemeluly keńeıtilgen otyrysta venchýrlyq ınvestısııa tartý mańyzdy mindet ekenin atap ótti. Oǵan qosa, adamı kapıtaldy damytýǵa erekshe mán berilýde. Qazirgi ýaqytta Astana Hub AT-startaptar tehnoparki 100% toltyrylǵan. Onda otandyq jáne sheteldik AT-kompanııalardyń 17 ǵylymı-zertteý zerthanasy jumys isteıdi.

90-nan astam startap joba iske asyrylyp, myńnan astam jumys orny quryldy. Joǵaryda kórsetilgen barlyq is-shara otandyq startaptarǵa 18,8 mlrd teńge kóleminde ınvestısııa tartýǵa múmkindik berdi.

«2020 jyly kem degende 2 tehnoparkti qoldaýmen biz shamamen 15 mlrd teńge ınvestısııa tartýǵa tyrysamyz. Bul jumysty biz barlyq memlekettik organdarmen jáne kompanııalarmen birlesip jalǵastyramyz», — dedi A. Jumaǵalıev.

Jalpy, respýblıkalyq bıýdjetten 2 jyl ishinde 35 mlrd teńge jumsaldy. Sıfrlandyrý boıynsha júrgizilgen jumystyń ekonomıkalyq tıimdiligi 803 mlrd teńgeni qurady.

Innovasııalyq ekojúıege 32,8 mlrd teńge tartyldy.

Aralas salalardy eskere otyryp, 120 myń jumys orny quryldy. Onyń 78 myńy 2019 jyly paıda boldy.

Qorytyndylaı kele, A.Jumaǵalıev joǵaryda kórsetilgen mindetter boıynsha belsendi jumystar jalǵastyrylatynyn atap ótti.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar