Aımaqtar • 04 Aqpan, 2020

Qyzylorda oblysy: Jataqhana jaıy jyr bolyp tur

46 retkórsetildi

Nur Otan partııasy oblystyq fılıaly janyndaǵy baqylaý komıssııasynyń kezekti otyrysy ótti.

Jıynda partııanyń oblystyq fılıaly tóraǵasynyń birinshi orynbasary Aqmaral Álnazarova arnaıy top buǵan deıin óńirdegi oqý oryndarynyń jataqhanalaryna monıtorıng júrgizip, birqatar kemshilik anyqtaǵanyn atap ótti.

Máselen, Qorqyt Ata atyndaǵy Qyzylorda memlekettik ýnıversıtetiniń №1 stýdenttik jataqhanasy kúrdeli jóndeýdi qajet etedi. Stýdentterdiń jatyn oryndary belgilengen normatıvtik talaptarǵa saı emes. Kompıýterlik zal tolyq jabdyqtalmaǵan. Jataqhanadaǵy 345 stýdentke bólingeni 3-aq kompıýter.  

«Aqmeshit» gýmanıtarlyq-tehnıkalyq ınstıtýtynyń turǵyn úıdiń 1 qabatynda ornalasqan jataqhanasy medısınalyq pýnktpen qamtamasyz etilmegen, ondaǵy 21 stýdent úshin ne oqý zaly, ne kompıýterlik kabınet joq. Mundaı kemshilikter Qazanǵap atyndaǵy Qyzylorda mýzykalyq joǵary kolledj jataqhanasynan da anyqtalǵan, – dedi Aqmaral Álnazarova.

Monıtorıng barysynda Syrdarııa agrarlyq-tehnıkalyq kolledj jataqhanasynyń kireberisindegi pandýstardyń talapqa saı emestigi, Jalaǵash ındýstrıaldy-agrarlyq kolledj jataqhanasynda medısınalyq pýnkttiń joqtyǵy jáne Jańaqorǵan agrarly-tehnıkalyq kolledj jataqhanasynyń kúrdeli jóndeýdi qajet etetindigi anyqtalǵan.

Jıyn barysynda oqý oryndary men tıisti sala basshylarynyń habarlamalary tyńdalyp, olarǵa kemshilikti qalypqa kelttirý úshin naqty tapsyrmalar berildi.

 

Qyzylorda oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar