Medısına • 04 Aqpan, 2020

Ushý aldynda ekıpaj músheleri medısınalyq tekseristen ótedi

229 retkórsetildi

Koronavırýstyq ınfeksııaǵa qatysty álemdegi qolaısyz jaǵdaıǵa baılanysty jáne Qazaqstanda ınfeksııanyń paıda bolýy men taralýyna jol bermeý maqsatynda ushý quramynyń, kabına ekıpajynyń músheleri erekshe ókimge deıin mindetti túrde ushý aldyndaǵy medısınalyq tekserýden ótýi qajet. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Ushý aldyndaǵy medısınalyq tekserýdi júrgizý kezinde azamattyq avıasııa uıymdarynyń jáne azamattyq avıasııa uıymdarymen kelisim boıynsha medısınalyq uıymdardyń medısınalyq qyzmetkerleri mindetti túrde dene temperatýrasyn ólshep, teriniń syrtqy qabyǵy men kózge kórinetin shyryshty qabattarynyń túsi men kúıine (bozarý, gıperemııa, shamadan tys terleý, akrosıanoz, isiný, teriniń sarǵaıýy, sklera jáne t.b.) baǵa berýi qajet. Sondaı-aq badamsha bezderdiń, jumsaq jáne qatty tańdaıdyń shyryshty qabyǵyn, jutqynshaqty jáne tilin tekserý; qarashyqtyń jaryqqa reaksııasyn anyqtaý qajet.

Sonymen qatar ushý aldyndaǵy medısınalyq tekserýden ótetin bólmeniń sanıtarlyq tazartylýyn baqylaýdy kúsheıtý usynyldy (dezınfeksııalyq quraldardy qoldana otyryp ylǵaldy tazalaý, bólmelerdi jeldetý, kvarstaý jáne t. b.).

Ushý aldyndaǵy medısınalyq tekserý kabınetteri jetkilikti mólsherde termometrmen, bir rettik maskalarmen, bir rettik qolǵaptarmen jáne bir ret paıdalanatyn shpateldermen qamtamasyz etilýi tıis.

Eger jedel respıratorlyq vırýstyq ınfeksııa belgileri bar avıasııa personaly anyqtalǵan bolsa, aýmaqtyq emhanaǵa nemese avıasııalyq medısınalyq sarapshylarǵa joldaı otyryp, fýnksıonaldyq mindetterin oryndaýdan shettetý qajet.

Ushý quramynyń jáne kabına ekıpajynyń barlyq múshelerine medısınalyq maska taǵý usynylady.

Qazaqstannyń IIDM Azamattyq avıasııa komıtetinde Qazaqstan Respýblıkasy men Qytaı Halyq Respýblıkasy arasyndaǵy turaqty reısterdi ýaqytsha toqtatý máselesi boıynsha qazaqstandyq jáne qytaılyq áýe kompanııalardyń ókilderimen kezdesý ótti. «Eır Astana», China Southern Airlines jáne Air China ókilderi ýaqytsha toqtatylǵan reısterdiń jolaýshylaryna bıletterdi qaıtarý satyp alý orny boıynsha tolyq kólemde júzege asyrylatynyn taǵy da rastady.

Áýe kompanııalar Qytaı Halyq Respýblıkasynda koronavırýstyń taralýyna baılanysty jaǵdaıdyń tezirek jaqsarýyna úmit bildiredi.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar