Tehnologııa • 05 Aqpan, 2020

50 myńnan astam kólik shyǵaryldy

173 ret

kórsetildi

1 mın

oqý úshin

Elimizde búgingi tańda avtomobıl jasaý jalpy mashına jasaý salasy ishinde eń joǵary ósimdi kórsetip otyr. 2019 jyly respýblıka boıynsha 359,5 mlrd teńgege 50 myńnan astam kólik quraly shyǵaryldy. О́ndiris ósimi 62,5%-dy qurady.

Egemen Qazaqstan

Naqty óndirýshilerge kelsek, 2019 jyly «Azııa Avto» zaýytynda 20 myń avtokólik, «SaryarqaAvtoО́nerkásip» kásipornynda 25802 (jeńil, júk avtokólikteri, avtobýstar men arnaýly tehnıka), «Hyundai Trans Auto» JShS-de 496 (avtobýstar, júk tehnıkasy), «KamAZ-Injınırıng» JShS zaýytynda 994 dana kólik quraly, «Daewoo Bus Kazakhstan» zaýytynda 496 (avtobýstar, GAZel «Next») jáne «SemAZ» kásipornynda 1851 tehnıkalyq qural (júk kóligi, avtobýstar, GAZel) shyǵaryldy.

Qazaqstanda avtokólik quraldarynyń barlyq sanaty shyǵarylatynyn aıta ketý kerek. Elimizde jalpy 167 model qurastyrylady, onyń ishinde 33 jeńil avtokólik bar. Nissan, Peugeot, Kia, Skoda, Hyundai, Renault, GM, IVECO, Daewoo, Ravon, JAC, SangYong sııaqty álemge áıgili brendtermen yntymaqtastyq ornatyldy.

Otandyq avtoóndirýshilerdi qoldaý maqsatynda byltyr kommersııalyq tehnıkaǵa ýtılızasııalyq jıyn mólsheri artty. Oǵan qosa, Ulttyq banktiń jeńildetilgen avtonesıe baǵdarlamasy iske qosyldy. Ol boıynsha 5 jyldyń ishinde 100 mlrd teńge (jylyna 20 mlrd teńgeden) bólinedi. 2019 jyldyń qazan aıynda alǵashqy transh bólindi. Nátıjesinde qarajatty revolverlik meńgerý ádisin eseptegende 101,5 mlrd teńgege 19946 dana kólik quraly satyldy.

Bul baǵdarlama turǵyndar arasynda úlken suranysqa ıe ekenin aıta ketý kerek. Respýblıka boıynsha orta eseppen alǵanda avtokólikke degen qajettilik 65 myń danany quraıdy.