Saıasat • 05 Aqpan, 2020

Eńbek adamdarynyń múddesin qorǵaıtyn memorandým bekitildi

41 retkórsetildi

Nur Otan partııasy men Qazaqstan Respýb­lı­ka­synyń Kásipodaqtar federasııasy arasyndaǵy ózara yntymaqtastyq týraly memorandýmǵa qol qoıyldy.

Atalǵan qujatqa qol qoıý­daǵy basty maqsat – elimizdi áleý­mettik-ekonomıkalyq jań­ǵy­r­týǵa, qyz­met­kerlerdiń áleý­mettik-ekono­mıkalyq jáne eńbek quqyqtary men múdde­lerin qorǵaý júıesin da­mytý­ǵa baǵyttalǵan birlesken is-qımyl­dardy júzege asyrý. Tarap­tar osy baǵyttaǵy júıeli ózara is-qımyl men syndarly ynty­maq­tastyqty qamtamasyz etý úshin ekijaqty kelisimge keldi.

Jıynda Nur Otan partııasy Tóraǵasynyń birinshi orynbasary Baýyrjan Baıbek eki uıymnyń áleý­met qamyn jep, jurtshylyq múd­desin kózdeýde maqsattarynyń toǵy­satyn tus­tary kóp ekenin alǵa tartty.

«Memleket basshysy Qasym-Jomart Toqaev byltyr tuń­ǵysh ret ká­sibı mereke retinde engi­­zilgen Kásip­odaqtar kúninde «Qazirgi kásipodaqtardyń qozǵa­lys­­tary eńbekkerlerdiń jumys or­nyn­daǵy quqyqtary men eńbek qaýip­sizdiginiń saqtalýyn, laıyq­ty eńbekaqy men áleýmettik kepildik­ter alýyn qamtamasyz etedi», – dep atap ótken bolatyn. Osy rette Nur Otan partııasy árqa­­shan qazaqstandyqtardyń eńbek quqyq­taryn qorǵaýǵa erek­she kó­ńil bó­lýde. 2019 jyl­dyń qory­­tyn­dysy boıynsha par­tııaǵa 217 myń­nan asa aryz-shaǵym túsken, onyń 3 myń­nan astamy eńbek zańnamasy, jala­qynyń ýaq­tyly tólen­beýi, zańsyz jumystan shyǵarý má­selelerine qatysty. Iаǵnı, qyz­met­ker­lerdiń eńbek quqyq­tary bo­ıyn­sha máseleler bizdiń el úshin óte ózekti.

Elbasy, Nur Otan partııasynyń Tóraǵasy Nursultan Nazarbaev «partııa qarapaıym adamdardyń, muǵa­limderdiń, dárigerlerdiń, óner­kásiptik kásiporyn eńbek­kerleriniń múddelerin qorǵaýy qajet» dep atap ótken bolatyn. Osy baǵyt­ta zańnyń ústem­digin, jumysshy­lar­dyń quqyq­tary men bostan­dyqtaryn qamta­masyz etý boıyn­sha jumys­tardy jalǵastyrý úshin Nur Otan partııa­sy elimizdiń eń iri kásip­odaqtar uıymy – Kásip­odaqtar federasııa­symen ózara ynty­­maq­tastyqty odan ári damytýǵa kelisti», dedi partııa Tóraǵa­sy­nyń birinshi orynbasary.

Búginde elimizde jumys isteı­tin adamdar sany 9 mıl­lıonnan assa, olardyń 2 mıllıony Qazaqstan Kásipodaqtary fede­­r­a­sııa­synyń qatarynda. Al 600 myń­nan astamy Nur Otan par­tııa­synyń músheleri. Sondyq­tan jumys isteıtin aza­mattar­dyń ózekti máselelerin sheshý, olardyń quqyqtary men múdde­lerin qorǵaý – partııa men kásip­odaq­tar qyzmetindegi basym baǵyt­tardyń biri.

О́z kezeginde Qazaqstan Kásip­­odaqtar federasııasynyń tór­aǵasy Eraly Toǵjanov ekijaqty me­morandýmǵa qol qoıýǵa kelisim bergen partııa basshylyǵyna alǵysyn bildirdi.

«Nur Otan – naqty isterdiń par­tııasy. Halyqtyń janashyry, áleý­mettiń jarshysy bolyp otyrǵan eń iri, bedeldi partııa­­men osyndaı qujatqa qol qoıýǵa kelip otyrmyz. О́zderińiz bilesiz­­der, 2012 jyldyń ózinde Elba­sy Nursultan Nazarbaev eńbek adamyna baılanysty úlken máse­lelerdi kótergen bolatyn. Sol suraqtardyń barlyǵy búgin de kún tártibinde tur. Son­­­dyq­­tan eńbek adamynyń már­te­­besin, bedelin kó­terýge tıis­timiz. Partııamen kópte­gen suraq­­tarymyz ortaq. Peda­gog márte­­besine baılanysty kópte­gen suraq talqylandy. Biz engiz­gen usynys­tardyń naqty 14-i qabyl­­dan­dy. Sol suraqtardyń ishinde qan­shama sheshimin tapqan máseleler osy jerde Nur Otan partııa­sy aıasynda ótken otyrys­tan ke­ıin jandandy dep aıtsam artyq emes», dedi Eraly Toǵ­janov.

Jumyspen qamtý baǵyty boıynsha partııalyq kýrator alańynda osy saladaǵy kóptegen máse­leni kóterip, olardy sheshýge yqpal etý kózdelýde. Sony­men qatar par­tııa jumysshy­lar­dyń eńbek quqyq­tary men múd­delerin kózdeý, ishki eńbek nary­ǵyn qorǵaý boıynsha par­tııalyq jáne qoǵamdyq baqylaýdy júzege asyrýǵa bel býyp otyr.

Kelesi bir baǵyt – partııanyń qoǵamdyq qabyldaýlary men kásip­odaqtardyń «Tatýlasý or­ta­lyq­tary» arqyly jumys­ker­lerdiń naqty máselelerin sheshý. Aldaǵy jumystarǵa Jas Otan jastar qanatynyń jáne «Keleshek» ká­sip­odaq jastar keńesiniń belsendileri de tartylatyn bolady.

Atalǵan jumysqa Nur Otan par­tııa­­synyń Májilistegi jáne bar­lyq deńgeıdegi más­lı­hat­tar­­daǵy fraksııalary ju­­myldy­rylmaq. Qazirgi kezde ká­sipodaq uıymdarynyń ob­lys­tyq deńgeıdegi 10 ókili, aý­dan­dyq jáne qalalyq deńgeı­degi 16 ókili Nur Otan partııasy aty­nan máslıhat depý­tat­­tary bolyp tabylady. Al­da­ǵy saı­laý­da óńirlerdegi máslıhattardaǵy ká­sip­odaqtardyń ókildigi ulǵaıtylmaq.

Sońǵy jańalyqtar

Qansonarda búrkitshi shyǵady ańǵa...

Aımaqtar • Búgin, 12:38

Negizgi uǵymdar júıelenedi

Saıasat • Búgin, 08:43

Tıimdi dıologqa jol ashady

Saıasat • Búgin, 08:37

Qoǵam múddesin oılaǵan qujat

Saıasat • Búgin, 08:33

Jarysty 8 júldemen aıaqtady

Sport • Búgin, 08:29

Aqpannyń borany ashýly

Aımaqtar • Búgin, 08:26

О́tken ǵasyr órnegi

Tanym • Búgin, 08:25

Úshinshi ret fınalda jeńildi

Tennıs • Búgin, 08:24

Jas ǵalymdardyń aımaqtyq semınary

Qoǵam • Búgin, 08:18

Sóz soıyl №89

Rýhanııat • Búgin, 08:02

Shahar shyraıyn shaǵyn bıznes ashady

Aımaqtar • Búgin, 08:01

10 jyl sýbsıdııalanǵan salanyń jyry

Ekonomıka • Búgin, 07:53

Jemisten chıps jasaıdy

Aımaqtar • Búgin, 07:52

Sózdiń quny men qudireti

Rýhanııat • Búgin, 07:46

Baǵany aýyzdyqtaýdyń amaly

Úkimet • Búgin, 07:44

Telearna jumysynyń esebi tyńdaldy

Qoǵam • Búgin, 07:36

Maqamy máshhúr Mańǵystaý

Aımaqtar • Búgin, 07:26

Saıat atynyń syny men baby

Qoǵam • Búgin, 07:23

Qalamy semser serke edi

Tanym • Búgin, 07:20

Reıtıngtegi ornyn saqtap qaldy

Fýtbol • Búgin, 07:17

О́zi de, sózi de sulý

Rýhanııat • Búgin, 07:15

О́ner aıdynynda sáýlelengen jumaq ólke

Rýhanııat • Búgin, 07:07

Uqsas jańalyqtar