Aımaqtar • 05 Aqpan, 2020

Shardaranyń bilektileri shartarapty moıyndatýda

51 retkórsetildi

Shardara aýdanynda 2001 jyly negizi qalanǵan «Shardara Arm» sport kesheni bar. Onda 1200-den astam adam birneshe sport túrimen tegin aınalysady. Mysaly, qazirgi tańda 35 jattyqtyrýshy 700 balany qol kúresine úıretýde. Jalpy aýdan­da 1800 sportshy túrli deńgeıdegi jarystardyń jeńimpazy atanǵan. Bul jerde 48 álem chempıony, 39 álem birinshiliginiń júldegeri, 26 álem kýbogynyń ıegeri, 144 Azııa chempıony men 154 Azııa birinshilikteriniń júldegeri tárbıelengen.

Mine, osyndaı jetistikter eskerile otyra, taıaýda Shardara aýdanynda irgeli monýment boı kóterdi. Bıiktigi 5 metr bolatyn bul eskertkish «Shardara Armsport» klýbynyń múshesi, álem chempıony Qydyrǵalı Oń­ǵar­baevtyń qurmetine orna­tylǵan. Aýdan ákiminiń orynbasary Baýyrjan Shom­pıev pen qol kúresinen kásip­qoı­lar arasyndaǵy álemdik fede­rasııanyń prezıdenti Igor Mazýrenko «Qol kúres» dep atalatyn monýmentti saltanatty túrde ashty. «Men mundaı úlken sport klýbyn eshbir elden kórgen emespin», dedi aýdandaǵy qol kúresi týraly derekti fılm túsirgen Igor Mazýrenko. Ja­qynda álemdik qol kúres sheber­leriniń kil myqtylary baratyn «TOP-8» týrnırine qatysyp qaıt­qan Qydyrǵalı Ońǵarbaevtyń qazaq sportyna qosqan úlesi mol. Álemdik deńgeıdegi osyndaı jarysqa qatysqan tuńǵysh qazaq sportshysy týrnırde 4-oryndy ıemdendi. Týrnırge qatysqan alyptardyń arasynda eń jeńil salmaqty sportshynyń bul jetis­tigin mamandar úlken tabysqa balap otyr. Qol kúresinen álemdik federasııanyń prezıdenti Igor Mazýrenkonyń málimdeýinshe, búginde «Shardara Armsport» klýbyn jáne sportshylaryn álemdegi armrestlıng sheberleri moıyndaıdy. Bul oraıda álem­dik deńgeıdegi sportshylardy daıarlaı bilgen bapker Arman Qarsybaevtyń eńbegi eren. Son­daı-aq shardaralyq qol kúres sheberlerine oblystyq dene shynyqtyrý jáne sport basqar­masy jan-jaqty qoldaý kórsetip keledi. Al kúni keshe ashylǵan monýment buqaralyq sıpat alǵan qol kúresimen aınalysýshylar qataryn arttyryp, jas sportshylardy bıik shyńdarǵa jeteleı, yntalandyra túseri anyq.

 

Túrkistan oblysy

 

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar