Abaı • 05 Aqpan, 2020

Abaı esimin ıelendi

180 retkórsetildi

Orys tilinde oqytatyn or­ta mek­tep Fedorov aýda­ny­nyń or­talyǵynda ornalasqan.

Ǵa­syrǵa jýyq tarıhy bar bilim oshaǵyna 1934 jyly Leıpsıg pro­sesinen keıin KSRO-ǵa kel­gen bolgar revolıýsııasy kósem­deriniń biri Georgııı Dımı­trovtyń esimi berilgen. Taıaý­da muǵalimder ujymy Abaı Qunan­baıulynyń 175 jyl­dy­ǵyna oraı, mektep ataýyn ózgertý týraly bas­tama kótergen. Ustazdardyń usynysy quzyrly organdar tarapynan qoldaý tapty. Keshe ǵana ótken oblystyq más­lı­hat otyrysynyń she­shimimen Fedo­rovtaǵy eki birdeı bilim meke­mesiniń ataýy ózgertildi. Dı­mı­trov atyn­­daǵy №1 mektep­ke Abaı Qunan­baıulynyń aty berilse, №2 mektep Ybyraı Al­tyn­­sarınniń esimimen atalatyn boldy.

– Qazaqtyń bas aqyny Abaı Qunanbaıuly murasynyń urpaq tárbıesindegi mańyzy zor. Son­dyqtan uly aqynnyń mereıtoıy qarsańynda búkil ujym bolyp ıgi bastama kó­terip, mektepke Abaı atyn be­rý týraly usynys jasadyq. Biz­de orys mektebi orys­sha, al qa­zaq mektebi qazaqsha atalýy kerek degen qate túsinik bar. My­saly, Maksım Gorkıı atyn­daǵy orys mektebi, Syrbaı Máý­lenov atyndaǵy qazaq mek­tebi degen sııaqty. Qazir qoǵam óz­gerdi. Abaı murasy – barsha qa­zaqstandyqtarǵa ortaq qun­dylyq. Sondyqtan aldaǵy ýa­qyt­ta arnaıy úıirme ashý jos­parda bar. Bul oqýshylardyń uly aqynnyń shyǵarmashylyǵyn ǵy­lymı-tanymdyq negizde tere­ńirek meńgerýine múmkindik beredi, – deı­­di mektep dırektory Tatıana Levıt.

Qostanaı oblysynda buǵan deıin uly aqynnyń atymen ata­latyn jalǵyz-aq mektep bar edi. Ol – ótken jyly ǵana mek­tep-gımnazııa mártebesin alǵan Arqalyqtaǵy qazaq tilin tereń­detip oqytatyn bilim oshaǵy.

Nurqanat QULABAEV

QOSTANAI

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar