Bıyl Qatar, Polsha, Oman, Belarýs, Malaızııa, Rýmynııa, Birikken Arab Ámirlikteri, Kýveıt sekildi elderdiń tanymal áýe kompanııalary 14 jańa baǵyt ashady dep josparlanýda. Shveısarııa, Ońtústik Koreıa, Sıngapýr, Latvııa, Lıtva elderindegi avıasııa salasynyń basshylyǵymen kelissózder júrgizilip jatyr.
Roman Sklıar Memleket basshysynyń 2019 jylǵy tapsyrmalary oryndalyp, nátıjesinde jańa 12 baǵyt – Elordadan Pragaǵa, Ulan-Batyrǵa jáne Tokıoǵa reıster ashylǵanyn habarlady.
Prezıdent múddeli memlekettermen aradaǵy áýe qatynastaryn keńeıtýdi, sondaı-aq, Qazaqstannyń negizgi áýejaılary arqyly ótetin júk tasymalynyń kólemin ulǵaıtýdy tapsyrdy.
Qasym-Jomart Toqaev avıasııa salasyndaǵy básekelestikti arttyrýdyń mańyzdylyǵyn atap ótip, onyń jolaýshylarǵa qyzmet kórsetý sapasyna jáne azamattyq avıasııany damytýǵa oń áser etetinin aıtty.
