Mundaı jaǵdaıda qarý ıeleri «Jekelegen qarý túrleriniń aınalymyna memlekettik baqylaý jasaý týraly» zańǵa sáıkes qarý ustaý quqyǵynan úsh jyl merziminde aıyrylady.
Qarýynan aırylǵandar arasynda Petropavl qalasynyń 36 jasar turǵyny boldy. О́z tarapynan ol eki birdeı buzýshylyqqa jol bergen. Birinshiden, ózine tıesili úsh ańshy myltyǵynyń qaıta tirkeý merzimin ótkizip alǵan. Ekinshiden qarýdyń saqtalýyn tekserý kezinde seıf dabylynyń istemeıtini anyqtalǵan. Sóıtip ol tegis uńǵyly 12 kalıbrli IJ-54 jáne «Ata Arms», sondaı-aq 7,62 mm kalıbrli «Vepr 308» oıyqty ańshy karabıninen aıryldy.
«Qaıta tirkeý merzimin ótkizip alý – ańshylardyń tarapynan jıi jiberiletin buzýshylyqtardyń biri», - dedi SQO Polısııa departamenti Ákimshilik polısııa basqarmasy azamattyq jáne qyzmettik qarý aınalymyn baqylaý tobynyń erekshe tapsyrmalar jónindegi aǵa ınspektory, polısııa maıory Qurman Mýsın.
– «Azamattyq qarýdy saqtaýǵa jáne alyp júrýge ruqsat bes jylǵa beriledi. Bul merzim ótip ketpeı turyp, jańa ruqsat rásimdeý qajet. Adamdarǵa yńǵaıly bolý úshin jáne sybaılas jemqorlyq týdyratyn faktorlardy joıý maqsatynda atalǵan memlekettik qyzmet «elektrondyq úkimet» portaly arqyly elektrondy túrde kórsetiledi. Alaıda, adamdardyń kóbi túrli sebeptermen bul qyzmetke ýaqtyly júginýdi umytyp jatady», - dedi ol.
Qarý ıeleriniń turǵylyqty meken-jaıyn aýystyrǵany jaıynda polısııany habardar etpeıtin jaǵdaılar da kezdesip turady eken. Al bul mindetti talap. Sonymen qatar qarýdy saqtaý men tirkeý rejimi qarý ıesiniń qaıtys bolǵanynda jıi buzylady eken. Mundaı jaǵdaıda muragerleri bir aı merzim ishinde qarýdy aýmaqtyq polısııa bólimine tapsyrýy nemese ony qaıta tirketip, komıssııalyq satý týraly sheshim qabyldaýy qajet. Bul talap oryndalmasa qarý tárkilenetin kórinedi.
Sondaı-aq tirkelgen qarýdy saqtaý erejeleriniń buzýshylyqtary da joq emes. Qańtar aıynda ǵana osyndaı 49 faktige jol berilgen. Seıfti qarýymen qosa urlaýdy boldyrmas úshin polıseıler qarý salynǵan seıfti edenge nemese qabyrǵaǵa bekitý qajettigin, sonymen qatar seıf qabyrǵasynyń qalyńdyǵy 3 mm kem bolmaýy tıis ekendigin, qala turǵyndary úshin seıfte, ne páterde dabyl ornatylýy qajettigin eskertip otyrady. Qarý ustaýdyń osyndaı mashaqattary baryn umytpaǵan jón. Oblysta bir aı ishinde polıseıler 624 qarý ıesin tekserip, nátıjesinde 92 buzýshylyqty anyqtady.
Soltústik Qazaqstan oblysy
