Qazaqstan • 05 Aqpan, 2020

Kameralar qyzmetińe qaramaıdy

141 retkórsetildi

«Aqyldy» dep at qoıylǵan kameralar ornatylǵan kóshe qıylystaryndaǵy baqylaý qazir myńdaǵan buzýshylyqtardy anyqtap otyr. Jyl basynan beri ǵana Petropavldaǵy kóshe qıylystarynda osyndaı tehnıkalyq baqylaý-ólsheý qurylǵylary avtomattandyrylǵan rejimde 1251 quqyq buzýshylyqty tirkedi.

Olar osynsha buzýshylyqtardy tirkemegen bolsa júrgizýshiler burynǵydaı júgen-quryqsyz josı bergen bolar edi. Keıbir júrgizýshiler jol belgileri men tańbalaryn aıaq asty etip, elemeıdi. Sonyń kóbi jol polısııasy qatarynda tanystary bar nemese qaltalarynda salmaqty qyzmettik kýálikteri bar júrgizýshiler. Buryn ondaılarǵa «áı der áje, qoı der qoja bolmaıtyn». Al avtomattandyrylǵan baqylaýshylar seniń kim ekenińe, bedeliń men mansabyńa qaramaıdy. Sart etkizip buzýshylar arasyna tirkeı qoıady, sosyn bul tizimnen qansha myqty bolsań da aıyppulsyz bosana  almaısyń. 

Petropavlda bir aıdyń ishinde ǵana tehnıkalyq qurylǵylardyń nazaryna birneshe ret ilingen júrgizýshiler bar. Kóshe qıylystarynan ótkende ereje buzǵan Nur-Sultan qalasynyń 42 jastaǵy turǵyny birden úsh buzýshylyq úshin aıyppul tóleýge májbúr boldy. Ol Abaı men Nazarbaev kósheleriniń qıylysynda bir kúndegi 10 mınýt aralyǵynda eki ret jol erejesin buzǵan.

Reseılik esepte turǵan kólikti mingen basqa júrgizýshi de dál osy qıylysta eki ret zań buzýshylyqqa jol bergen. Aıta ketý kerek, buryn mundaılar tipti qutyryp ketken. О́ıtkeni, Reseıdiń esebinde turǵan kólikterdi bizdiń avtomatty baqylaýshy tirkeı almaıtyn. Qazir «aqyldy» kameralar barlyq sheteldik esepte turǵan kólikter jasaıtyn buzýshylyqtardy tirkeı bastady. Osyndaılar bir aıdyń ishinde ıntellektýaldyq kóshe qıylystarynda 74 buzýshylyqqa jol bergen.

Polıseıler aıtyp ótkendeı, toqtaý syzyǵynan ótip ketý úshin ákimshilik kodekstiń 601-babymen jaýapkershilik qarastyrylǵan. «Jol belgilerimen jáne jol tańbalarymen belgilengen talaptardy saqtamaý úshin 3 AEK kóleminde aıyppul kózdeledi. Al, osy buzýshylyq bir jyl ishinde qaıtalap jasalǵan jaǵdaıda júrgizýshi 10 AEK kóleminde aıyppul tóleıdi. Sondaı-aq habarlama alǵan sátten bastap 7 kún ishinde aıyppuldyń 50 paıyzyn tóleýge bolatynyn esterińizge salamyz», - deıdi SQO PD Ákimshilik polısııa basqarmasynyń bastyǵy, polısııa podpolkovnıgi Jasulan Ospanov.

QYZYLJAR

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Uqsas jańalyqtar