Qazaqstan • 05 Aqpan, 2020

SDÝ Dýbaı «Ekspo-2020» halyqaralyq stýdent almasý baǵdarlamasynyń eksklıýzıvti seriktesi atandy

77 retkórsetildi

Ýnıversıtet prezıdenti Meıirbek Májıtov bastaǵan SDÝ delegasııasy is-saparmen Dýbaıǵa baryp qaıtty. Sapar barysynda «EKSPO-2020 Dýbaı» dúnıejúzilik kórmesiniń ákimshiligimen kezdesý ótkizip, nátıjesinde taraptar halyqaralyq stýdenttermen almasý baǵdarlamasy aıasynda ózara yntymaqtastyq týraly kelisimge qol qoıdy. 

- Resmı kelisimge sáıkes SDÝ «EKSPO-2020 Dýbaı» kórmesine oqytý týrlaryn uıymdastyrý boıynsha alǵashqy halyqaralyq seriktes ýnıversıtet mártebesine ıe boldy. Halyqaralyq stýdenttermen almasý baǵdarlamasy jeti oqytý týryn quraıdy, onyń ishinde stýdentter mańyzdy pánder boıynsha álemniń jetekshi ýnıversıtetteriniń úzdik tájirıbesinen tolyq aqparat alady. Jalpy uıymdastyrýshylardyń maqsaty –  kórme barysynda álemniń túkpir-túkpirinen stýdentterdi tartý. Qysqa merzimdi oqytý aıasynda stýdentter tájirıbe almasý, qoldanbaly-ǵylymı sıpattaǵy jobalardy zertteý, ındýstrııanyń jetekshi sarapshylarynan qarqyndy trenıngterden ótýge múmkindik alady. Mundaı ádis sheteldik stýdentterdiń Dýbaı qalasynda mansap qurýǵa qyzyǵýshylyǵyn arttyrady, - dep túıindedi SDÝ prezıdenti Meıirbek Májıtov.

«EKSPO-2020 Dýbaı» búkilálemdik kórmesi  –  «aqyl-oıdy biriktire otyryp, bolashaqty quramyz» uranymen ótetin aýqymdy is-shara. Sharanyń basty maqsaty – mıllıondaǵan adamdarǵa adamzattyń sońǵy jetistikteri men ónertabystaryn kórsetý. Kórmege kelýshilerdiń sany 25 mıllıonǵa jýyq adamdy quraıdy, olardyń 70 paıyzy sheteldikter bolady dep kútilýde, bul dúnıejúzilik kórmelerdiń 168 jyldyq tarıhynda rekordtyq kórsetkish bolady.

Kórme úsh taqyryptyq baǵytta ótedi: «Múmkindikter», «Utqyrlyq» jáne «Turaqtylyq». Kórmege kelýshiler jańa tehnologııalar men tujyrymdamalar jaıly mańyzdy aqparattar alady. Aýqymdy sharaǵa 200-den astam qatysýshy qatysady dep josparlanýda. 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar