Qazaqstan • 05 Aqpan, 2020

«Rýhanı jańǵyrý» baǵdarlamasy aıasynda eleýli jumystar atqaryldy - Memlekettik hatshy

74 retkórsetildi

Búgin Aqordada Prezıdent janyndaǵy Qoǵamdyq sanany jańǵyrtý baǵdarlamasyn iske asyrý jónindegi Ulttyq komıssııanyń otyrysy ótti. Onda «Rýhanı jańǵyrý» baǵdarlamasyn iske asyrýdyń nátıjeleri men alda atqarylatyn jumystyń jańa basym baǵyttary qaraldy. 

«О́zderińizge belgili, Tuńǵysh Prezıdent – Elbasy Nursultan Ábishuly Nazarbaevtyń bastamasymen «Rýhanı jańǵyrý» baǵdarlamasyn iske asyrylyp jatqanyna bıyl úsh jyl tolady. Úsh jylǵa jýyq ýaqytta eleýli jumystar atqarylyp, naqty jobalar júzege asyryldy. Sonymen birge Memleket basshysy Qasym-Jomart Kemeluly Toqaevtyń jaqynda jaryq kórgen «Abaı jáne HHI ǵasyrdaǵy Qazaqstan» maqalasyndaǵy oıshyldyń eńbekteri arqyly taralǵan rýhanı baǵyttary osy baǵdarlamamen tabıǵı sabaqtastyq taýyp otyrǵanyn qoǵamdyq pikir qoldap otyr. Sonyń nátıjesinde búginde baǵdarlama zamanaýı qazaqstandyq mádenıet, ozyq bilim, ǵylymı zertteý, arheologııa jáne basqa da túrli baǵyttardyń damýyna edáýir serpilis berýde», - dedi Qyrymbek Kósherbaev.

Memlekettik hatshynyń aıtýynsha, qazirgi tańda baǵdarlama aıasynda 6 baǵyt boıynsha 13 arnaıy joba iske asyrylýda.

«Jasyratyny joq birqatar joba nátıjeli júrgizilse, keıbiri kózdegen mejeden shyǵa almaı otyr. «Týǵan jer» jobasy aıasynda mesenattardyń arqasynda demeýshilik qarajat esebinen 2019 jyly 60 mlrd teńgege jýyq qarajat tartyldy. Onyń ishinde 889 nysan jańadan salyndy. 631 nysan kúrdeli jóndeýden ótti. Atap ótý kerek, qarjylandyrýdyń eń kóp kólemi Mańǵystaý, Almaty, Atyraý, Qyzylorda jáne Aqmola oblystarynyń úlesinde. Bul kórsetkishter Qazaqstandaǵy bıznes ókilderdiń áleýmettik jaýapkershiligin kórsetetein baıqatady. Sondaı-aq «Aýyl – el besigi» jobasy boıynsha aldaǵy úsh jyldaǵy is-sharalardy iske asyrýǵa Úkimet respýblıkalyq bıýdjetten 90 mlrd teńge qarastyrdy. Onyń ishinde 2019 jyly 30 mlrd teńge bólinip, 711 jobadan turatyn 53 aýyldyq eldimekende 452 ınfraqurylymdyq joba iske asyryldy», - dedi Q.Kósherbaev.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar