Qazaqstan • 05 Aqpan, 2020

2019 jyly 390 000-nan astam qazaqstandyq qaıyrymdylyq kómek aldy

47 retkórsetildi

2019 jyly «Samuryq-Qazyna» qory kompanııalar tobynyń atynan qaıyrymdylyq baǵyttaǵy 39 áleýmettik mańyzdy joba júzege asyryldy. Joba boıynsha jalpy 390 000-nan astam adam qamtyldy. 2018 jylmen salystyrǵanda qaıyrymdylyq kómek alǵan qazaqstandyqtardyń sany 40 000-ǵa artty.

Densaýlyq saqtaý salasynda 2019 jyly 4 joba iske asyryldy. «Balalarǵa ómir syıla» naýqany aıasynda aýyr dıagnozdarmen aýyratyn 258 bala sheteldik klınıkalarda em aldy. BMS dıagnozy bar 1 560 bala «Qasıetti jol» ońaltý ortalyqtarynda tegin ońaltýdan ótti. Emdeý nátıjesinde barlyq balalarda densaýlyqtarynyń jaqsarýy baıqalady. Sonymen qatar 67 000-nan astam adam medısınalyq poıyzdarda tekserýden ótti.

Bilim berý jáne kásiptik baǵdar berý salasynda - 13 joba júzege asyryldy. Atap aıtqanda, ınklıýzııany damytý úshin Nur-Sultan qalasynda resýrstyq kabınet pen ortalyq ashyldy. Bul «erekshe» balalarǵa bilim berýde teń múmkindikter alýǵa, qoǵamdyq ómirge qosylýǵa, áleýmettenýge kómektesedi. Sondaı-aq 2 qosymsha otbasylyq aýla klýby ashyldy, Jańaózen qalasynyń mektepterine 3 avtobýs satyp alyndy jáne ózge de jobalar júzege asty.

Sondaı-aq 600 jasóspirim «Týǵan elge saıahat» ekskýrsııalyq jobasyna qatysyp, elimizdiń eń qyzyqty týrıstik nysandaryn aralady. Onyń ishindegi 500 qatysýshy - elimizdiń shalǵaı aýdandarynda turatyn «Samuryq-Qazyna» AQ kompanııalar toby qyzmetkerleriniń kóp balaly, tolyq emes otbasylarynyń balalary. Taǵy 100 qatysýshy - shetelde turatyn etnıkalyq qazaqtardyń balalary jáne shyǵarmashylyq baıqaýdyń jeńimpazdary.

7 joba halyqtyń áleýmettik osal toptaryn qoldaý baǵytynda iske asyryldy. Máselen, 1 470 UOS ardageri men tyl eńbekkeri áleýmettik-turmystyq kómek aldy, Jańaózen qalasyndaǵy «Alǵa» múgedekter klýby sporttyq trenajerlarmen jabdyqtaldy. 

Sonymen qatar 2019 jyly «Áreket» áleýmettik kásipkerlikti damytý jobasyn iske asyrý jalǵastyryldy. 2019 jyly oǵan Qazaqstannyń 290 kommersııalyq emes uıymy ótinim berdi. Irikteýdiń birneshe kezeńderinen ótip, 51 KEU-nyń 100-den astam adamy áleýmettik kásipkerlikke oqytýdan ótti, onyń ishinde 25 KEU jeńimpaz atandy. Olarǵa 3 mln teńgege deıingi kólemde granttar berildi.

«Samruk-Kazyna Trust» qory túrli baǵyttarda, sonyń ishinde densaýlyq saqtaý, bilim berý, áleýmettik kásipkerlik, buqaralyq sport jáne taǵy basqa jobalardy júzege asyrady. 2020 jyly «tarıhı» jobalardy – «Medısınalyq poıyz», «Jas daryndar», «Jeńis» iske asyrýdy jalǵastyrý, sondaı-aq birqatar jańa jobalardy iske asyrý josparlanýda», - dep atap ótti «Samruk-Kazyna Trust» Qorynyń bas dırektory Dııas Ázbergenov.

Aıta keteıik, «Samruk-Kazyna Trust» qory sońǵy 5 jylda qaıyrymdylyqqa 60 mıllıard teńgeden astam qarjy bólip, 1 mıllıonnan astam adamǵa kómek qolyn sozdy.

Sondaı-aq atalǵan qor úkimettik emes uıymdarmen, sonyń ishinde «Dara» JQ, «Meıirimdilik» Erikti qoǵamy» QQ, «Zamandas 21» QQ, «Qasıetti jol» QQQ jáne taǵy da basqa uıymdarmen birlesip qaıyrymdylyq jobalardy júzege asyrady.

Eske sala keteıik, «Samuryq-Qazyna» AQ kompanııalar tobynyń atynan qaıyrymdylyq qyzmetiniń biryńǵaı operatory «Samruk-Kazyna Trust» áleýmettik jobalardy damytý qory bolyp tabylady. «Samruk-Kazyna Trust» qory halyq úshin áleýmettik mańyzdy máselelerdi sheshýge baǵyttalǵan qaıyrymdylyq jobalar men baǵdarlamalardy júzege asyrady.

Sońǵy jańalyqtar

Elordada jataqhana karantınge jabyldy

Aımaqtar • Búgin, 22:05

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar