Qazaqstan • 05 Aqpan, 2020

Teńiz porttaryndaǵy júk aınalymy 5 mln tonnadan asty

43 retkórsetildi

Sý kóligi salasy - kólik-logıstıkalyq kesheniniń qarqyndy damyp kele jatqan salalarynyń biri. Qazaqstan teńiz porttaryndaǵy júk aınalymynyń qarqyndy ulǵaıýy, eksporttyq jáne tranzıttik tasymaldardyń damýy salanyń mańyzyn arttyra tústi. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Túrli tonnajdaǵy kemelerge qyzmet kórsetetin Aqtaý, Baýtıno jáne Quryq teńiz porttary – el ekonomıkasyn odan ári damytýǵa múmkindigi mol  damýshy teńiz porttary. Indýstrııa jáne ınfraqurylymdyq damý mınıstrligi Kólik komıtetiniń «Qazaqstan Respýblıkasynyń porttarynyń teńiz ákimshiligi» respýblıkalyq memlekettik mekemesi – Aqtaý, Quryq jáne Baýtıno teńiz porttarynyń akvatorııasynda teńiz kemelerin paıdalaný salasyndaǵy baqylaý-qadaǵalaý jáne iske asyrý fýnksııalaryn iske asyratyn aýmaqtyq bólimshe. 2019 jyldyń qortyndysynda olardyń jalpy júk aınalymy 5 mln tonnadan asty. 

Porttardyń teńiz ákimshiligi ınspektorlary kemelerdi teńizge shyǵar aldynda tekserýdi QR ratıfıkasııalaǵan halyqaralyq konvensııaǵa, sondaı-aq qoldanystaǵy zańnamalyq aktilerge sáıkes júzege asyrady. 2019 jyldyń basynan porttardyń teńiz ákimshiligi ınspektorlary 3 portta 4174 keme kirisin rásimdedi. Teńizge shyǵar aldynda 340 keme qaralyp, 11 teńiz kemesine teńizge shyǵýǵa ruqsat berilmedi. Ákimshilik quqyq buzýshylyq jasalǵany úshin 56 ákimshilik is qozǵaldy.

Kemelerdi tekserý barysynda keme qujattary, tirkeý qujattary, kemeniń qoldanystaǵy kýálikteri, keme ekıpajynyń dıplomdary men kýálikteri, apattyq qutqarý jáne órt sóndirý quraldary, navıgasııalyq jáne mehanıkalyq jabdyqtar, mashına bólimshesi, keme korpýsy, júk markasy, tasymaldanatyn júktiń qujattary tekseriledi.

Qazaqstan Respýblıkasy porttarynyń teńiz ákimshiligi qurylǵan sátten bastap teńizshiniń jeke kýáligi men teńizde júzý kitapshasyn berile bastady. Ol qazaqstandyq teńizshilerge búkil álemde jumys isteýge múmkindik beredi. Sonymen qatar 2020 jyldan bastap teńizshiniń kásibı dıplomy beriledi.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar