Bir nómirin jibermeı oqyp otyratyn «Egemenniń» 6 tamyz kúngi sanyndaǵy Gúlaıym Shyntemirqyzynyń «Kezdeseıik... Biraq?» atty maqalasy maǵan birden oı saldy da qolyma qalam aldym. Kezinde Qazaq SSR Ishki ister mınıstri bolǵan Shyraqbek Qabylbaev, kóp jyldar Qazaq SSR Qarjy mınıstri qyzmetin abyroımen atqarǵan Rymbek Baıseıitov, qazaqtan shyqqan tuńǵysh derekti fılm rejısseri Oraz Ábishev, akademık Rymǵalı Nurǵalıev, ǵylym ókilderi Asqar Qusaıynov pen Bolatbek Násenov, kórnekti jazýshy Medeý Sárseke oqyǵan Abyraly óńirindegi Qaınar orta mektebine bıyl 92 jyl toldy. Sodan beri bul bilim uıasy myńdaǵan túlekti ushyrdy. Olardyń qaı-qaısysy bolmasyn osy mektepti árdaıym eske alyp, saǵynyshpen bas qosyp otyrady.
Bir nómirin jibermeı oqyp otyratyn «Egemenniń» 6 tamyz kúngi sanyndaǵy Gúlaıym Shyntemirqyzynyń «Kezdeseıik... Biraq?» atty maqalasy maǵan birden oı saldy da qolyma qalam aldym. Kezinde Qazaq SSR Ishki ister mınıstri bolǵan Shyraqbek Qabylbaev, kóp jyldar Qazaq SSR Qarjy mınıstri qyzmetin abyroımen atqarǵan Rymbek Baıseıitov, qazaqtan shyqqan tuńǵysh derekti fılm rejısseri Oraz Ábishev, akademık Rymǵalı Nurǵalıev, ǵylym ókilderi Asqar Qusaıynov pen Bolatbek Násenov, kórnekti jazýshy Medeý Sárseke oqyǵan Abyraly óńirindegi Qaınar orta mektebine bıyl 92 jyl toldy. Sodan beri bul bilim uıasy myńdaǵan túlekti ushyrdy. Olardyń qaı-qaısysy bolmasyn osy mektepti árdaıym eske alyp, saǵynyshpen bas qosyp otyrady.
Keıbir kezdesýge kelgenderdiń as iship, aıaq bosatatyny óz aldyna, sondaı kezderde arty tóbeleske ulasyp, adam ólimine ákelip soqqan jaǵdaılar da oryn alǵan bolatyn. Táýbe, sońǵy jyldary mundaı kezdesýlerdiń máni de, maǵynasy da ózgerdi. Saǵynyshpen mektebine oralǵan túlekter eń aldymen aýyl ortalyǵyndaǵy meshitke baryp, dúnıeden ótken muǵalimderi men synyptastaryn eske alyp, qatym túsiredi. Bilim uıasyna baryp, kózi tiri ustazdarymen qaýyshady. Eń bastysy, kezdesýge barǵan túlekter bir synyptyń múlikteri men qural-jabdyqtaryn túgeldeı jańartyp berýdi dástúrge aınaldyrǵany qýantady. Bul jaqsy isti qazirgi mektep dırektory, ol kezde muǵalim bolǵan Berik Sársenbekovtiń synyptastary bastaǵan edi. Olar tozyńqyrap ketken sport zalyn tanymastaı ózgertti. Sport quraldaryn alyp keldi. Qaınar orta mektebiniń erli-zaıypty ustazdary, búginde ómirden ótken Sattar Túsipbekov pen Qatıra Áýbákirovanyń balalary tarıh jáne geografııa kabınetterin búgingi talapqa saı jabdyqtap berdi.
Byltyr bitirgenderine 40 jyl bolǵan túlekter «Meızek» án-bı úlgili balalar ansambliniń barlyq múshelerine jańa kıimder tiktirip berdi. Bári jıylyp baryp, aýyl irgesindegi bulaq kózin arshyp, taǵy bir ıgi istiń bastamashysy boldy. Túlekterdiń óz ómir joldary jaıly jazǵan estelikterin mektepti 1972 jyly bitirgen azamat, elimizge belgili mesenat, «Jambylgıps» ashyq aksıonerlik qoǵamynyń prezıdenti Qaınarbek Qusaıynov kitap etip shyǵardy. Bes jyldan beri Qusaıynovtar áýleti mektepti eń úzdik bitirgen bir túlekke 100 myń teńge syıaqy tapsyryp otyrýdy ádetke aınaldyrdy. Mektepti 1968 jyly kúmis medalmen aıaqtaǵan akademık Asqarbek Qusaıynov kezdesýge kelgen kezinde mektebine 15 kompıýter, ınteraktıvti taqta syıǵa tartqanyn, Bolatbek Násenov pen Rymǵalı Nurǵalıev aǵalarymyz óz eńbekterinen mektep kitaphanasyna júzdegen kitaptar bergenine kýá bolǵanym bar. Mekteptiń 1971 jylǵy túlegi, ǵylym doktory, professor Serǵazy Dúısenbaev ta osydan eki jyl buryn bolǵan 40 jyldyq kezdesýde bir shákirtke 100 myń teńge mólsherinde stıpendııa taǵaıyndady.
Sondaı-aq, kezdesýge barǵan bir kezdegi shákirtter óz kúshterimen konserttik baǵdarlama usynyp, kópten kórmegen aýyldastaryna jaqsy kóńil kúı syılaýdy da umyt qaldyrmaı keledi. Mundaı jaqsy bastamalar qasıetti Qaınar elinde, san jyldyq tarıhy bar Qaınar orta mektebinde óz jalǵasyn taba beretini sózsiz.
Beıbitbek ÁBDIKÁRIMOV,
jýrnalıst.
ASTANA.
