Aımaqtar • 05 Aqpan, 2020

О́.Shókeev: Túrkistan Elbasynyń jobasy ekenin esten shyǵarmaýymyz kerek

118 retkórsetildi

Oblys ortalyǵy Túrkistandy damytýda ózekti máselelerdiń biri – qala halqyn 100 paıyz tabıǵı gazben jáne sarqyndy sý júıesimen qamtamasyz etý. Tabıǵı gazben tolyq qamtý qalanyń ekologııalyq ahýalyn jaqsartýǵa, sýlandyrý men kógaldandyrý jazdyń aptap ystyǵynda qolaıly klımat qalyptastyrýǵa múmkindik beredi. Oblys ákimi О́. Shókeev Túrkistan  qalasynyń ákimi R. Aıýpovtyń halyqqa esep berý kezdesýinde osylaı dedi. 

«Biz, Túrkistan qalasyna tarıhı mártebe berý – Elbasynyń jobasy ekenin esten shyǵarmaýymyz kerek. Sol sebepti, tarıhı qalanyń ereksheligin saqtaı otyra, ony zamanaýı baǵytta damytýdyń negizgi úsh baǵytyn júzege asyryp kelemiz. Ol úsh baǵyttyń biri – tarıhı-mádenı aımaq. Ekinshisi – ákimshilik-iskerlik ortalyq, úshinshisi – eski qalany jańǵyrtý», – dedi  oblys ákimi. Qala turǵyndary men jańadan qonystanýshylar tarapynan búginde turǵyn úıge degen suranys artýda. Bul oraıda, salynatyn turǵyn úılerdiń sanyn arttyrý jáne syrtqy kelbeti men sapasyna mán berý mańyzdy. «Basty maqsat – Túrkistan qalasyn turǵyndary men qonaqtaryna jaıly, qaýipsiz, taza, kórikti de ásem qalaǵa aınaldyrý», – dedi О́. Shókeev.

Búginde ákimshilik - iskerlik ortalyǵynda jalpy aýdany 575,8 myń sharshy metr nemese 7459 páterdi quraıtyn 156 kópqabatty turǵyn úıdiń qurylysy júrgizilýde. О́tken jyldyń qorytyndysymen 32 úıdiń qurylysy aıaqtalyp, 1701 páter paıdalanýǵa berilgen. Sondaı-aq 2019 jyly qala boıynsha 100 kóshe asfalttalsa, bıyl taǵy da 100 kóshege asfalt tóseletin bolady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar