Aımaqtar • 05 Aqpan, 2020

Túrkistan oblysy jol qurylysy - jóndeý jumystary boıynsha kósh basynda

930 ret

kórsetildi

1 mın

oqý úshin

Túrkistan oblysynda avtomobıl joldary men eldi meken kósheleriniń jalpy uzyndyǵy - 20 928,9 shaqyrym. Jergilikti mańyzy bar avtomobıl joldarynyń jaqsy jáne qanaǵattanarlyq jaǵdaıdaǵy úlesi ótken jyly 74,1 paıyzǵa jetken. Atalǵan kórsetkishti bıyl 77,6 paıyzǵa jetkizý kózdelýde.

Ǵalymjan ELShIBAI

Túrkistan oblysy jol qurylysy - jóndeý jumystary boıynsha kósh basynda

Jolaýshylar kóligi jáne avtomobıl joldary basqarmasynyń basshysy Rolan Ibragımovtińmálimdeýinshe, avtomobıl joldaryna júrgizilgen qurylys-jóndeý jumystarynyń aýqymy boıynsha Túrkistan oblysy respýblıkada kósh bastap tur. Sondaı-aq basqarma basshysy, óńirlik kommýnıkasııalar qyzmetinde, ótken jyly 1 738 shaqyrym jol men kóshe qurylys-jóndeý jumystarymen qamtylyp, onyń 1 270,4 shaqyrymy paıdalanýǵa berilgenin atap ótti. Al 2020 jyly 869,8 shaqyrym jol men kóshelerge qurylys-jóndeý jumystary júrgizilmek. О́ńirde jolaýshylarǵa 44 tasymaldaýshy mekemeniń 1300 qoǵamdyq kóligi qyzmet kórsetýde. О́tken jyly 8 eldi meken qoǵamdyq kólikpen qamtylyp, 19 turaqty baǵyt ashylǵan. Oblys boıynsha 238 qoǵamdyq kólik jańartylǵan. Sonyń ishinde, Túrkistan qalasy boıynsha jergilikti tasymaldaýshymen 26 jańa avtobýs satyp alynypty.