Polısııa departamenti taratqan málimetke qaraǵanda, Qazaqstanda tirkelmegen kólikterdiń júrgizýshileri jaýapqa tartylmaıtynyn sezip, júıeli túrde ereje buzyp kelgen.
Qazirgi tańda belgili bolǵandaı, 2019 jyldyń qazanynan bastap Ákimshilik polısııa saqtandyrý kompanııalarynyń bazasyna kirýge ruqsat aldy. Buǵan deıin sheteldik nómiri bar kólik ıeleri aıyppuly 817 mln teńge kóleminde ereje buzǵan. Alaıda, aıyppuldyń 93%-y tólenbegen. Júrgizýshiler tıisti organdardyń sharasyzdyǵyn, «tisi batpaıtynyn» paıdalanyp, joldaǵy basqa kólikterge kedergi keltirgen jáne apattyq jaǵdaılar týǵyzǵan.
2019 jyly ereje buzǵan júrgizýshiler reıtıngi:
Antı-reıtıngte birinshi orynda Armenııa Respýblıkasynda esepte turǵan «BMW» markaly kólik ıesi tur. Bul kóliktiń ıesi – Qazaqstannyń 1989 jyly týǵan azamaty, ol ótken jyly 437 ret ereje buzǵan.
«Toyota Camry» kóligi 369 ret ákimshilik quqyq buzǵan. Bul kólik te kórshi elde esepte tur, onyń ıesi – 1969 jyly týǵan er adam. Ol «mártebeli» ekinshi orynǵa ıe.
Úshinshi jáne tórtinshi oryndy eki kóliktiń ıesi – 1987 jyly týǵan azamat alǵan. Onyń kólikteri de Armenııada esepte tur. «Toyota IPSUM» markaly kólikpen 72 ret ákimshilik quqyq buzsa, «Nissan Tida» – 69, jalpy 141 ret ereje buzǵan.
Besinshi orynda – 29 jastaǵy astana turǵyny. Ol «Porsche Cayenne» markaly kóligimen 74 ret jol erejesin buzǵan. Bul kólik te shetelde tirkelgen.
