Rýhanııat • 06 Aqpan, 2020

Jaýyngerlik Tý el aımaqtaryn aralaıdy

103 retkórsetildi

Almaty qalasynda alaýyn tutatqan «Biz – Jeńis­tiń muragerimiz!» estafetasy aıasynda áıgili panfılov­shylar dıvızııasynyń Jaýyngerlik Týynyń kóshir­mesi Ulttyq ulan sarbazdarynyń qolyna tapsyryl­dy. Jalyndy jaýyngerlerdiń kózindeı bolǵan sımvo­lıkalyq máni tereń jádiger 11 myń shaqyrymdy artqa tastap, elimizdiń barlyq qalalaryn sharlaıtyn bolady. Aıtýly rásimniń Almatydan bastaý alǵany tegin emes. О́ıtkeni 1941 jyly general-maıor Panfılov basqarǵan 316-atqyshtar dıvızııasy Almatyda jasaqtalǵan bolatyn.

 

El basyna alapat qasiret ákelgen qan maıdanda eren erlik kórsetken panfılovshylar dıvızııasy saryla kútken Uly Jeńiske aýqymdy úles qosty. Elimizdegi tuńǵysh gvardııa ataǵy berilgen dańqty dıvızııa sarbazdarynyń júrip ótken joly Jeńis tarıhynyń aınasyna aınalǵanyn jaqsy bilemiz. Eske alý qozǵalysynyń kestesi boıynsha estafeta jolyn jalǵaý úshin Ulttyq ulannyń 37 áskerı bóliminen Tý ustaýshylar toby jasaqtalǵan. Tutas el aýmaǵynda saltanat quratyn estafeta barysynda soǵys jáne eńbek ardagerlerimen 68 kezdesý ótkizý josparlanypty.

– Qazaqta «О́tkenderin eske alý óskendiktiń belgisi» deıtin sóz bar. Aǵa urpaqtyń maıdanda tókken qany men ana­larymyzdyń tyldaǵy tógilgen terimen kelgen Jeńis kúnin biz eshqashan umytýǵa tıis emespiz. Jeńis árbir áýlettiń tarıhymen astasyp jatyr. Keler urpaqqa ósıet etip aıtatyn uly kún. Zaman ózgeredi, ár dáýirdiń ózindik úni bolady. Biraq ótken tarıh eshqashan ózgermeıdi. О́ıtkeni bul halyqtyń basyp ótken joly. Sondyqtan biz bul kúndi jyl saıyn atalarymyzdy eske alýmen ótkizemiz. Panfılovshylardyń ardaqty, qasıetti Týy Qazaqstannyń qanshama aımaǵyn aralaıdy. Bul jas urpaqtyń sanasyna sáýle túsirip, júregin dir etkizbeýi múmkin emes, – deıdi Baýyrjan Momyshulynyń kelini, jazýshy Zeınep Ahmetova.

Rasynda, biz Uly Jeńis dep ataıtyn qasıetti kúnniń tasasynda talaı jan­­nyń kermek taǵdyry jatyr. О́tken kúnge úńilsek, elimizde qan maıdanǵa bozda­ǵy attanbaǵan áýlet joq. Aıtý­ly shara aıa­synda panfılovshylar dıvızııa­synyń kózi tiri jaýyngeri Qaıyrly Joń­qabaev­­tyń úıiniń aýlasynda saltanatty she­rý uıymdastyryldy. Ardagerdi Ulttyq ulan Bas qolbasshysynyń orynbasary, ge­neral-maıor Muhametqalı Satov basta­ǵan ulan­dyqtar Jeńis merekesimen quttyqtady.

Qaıyrly Jońqabaev 1921 jyly 10 qyrkúıekte Shyǵys Qazaqstan oblysy, Samar aýdanynda dúnıege kelgen. Eńbek jolyn 1940 jyly Shyǵys Qazaqstan oblysy Qulja orta mektebinde muǵalim bolyp bastaǵan ol, soǵys bastalǵan jyly panfılovshylar dıvızııasynyń 23-shi gvardııalyq polkine Qyzyl Ásker jaýyngeri retinde qabyldanǵan. Ardager soǵysqa bastan- aıaq qatysyp, maıdan dalasynda Keńes Odaǵynyń Batyry Málik Ǵabdýllınmen bir sapta shaıqasypty. 1943 jyly aq­panda Rjevtegi qandy qaqtyǵysta aýyr jaralanǵan jaýynger jeńisti Drezdende qarsy alypty.

«Beıbitshilik pen berekeniń qadirin bilińder. Odan asqan baqyt joq. Úl­kenge qurmet, kishige izet kórsetý qany­myzdan kele jatqan qasıet. Eń bastysy, osy qasıetti joǵaltyp almańdar. Táýel­sizdigimiz máńgilik, el irgesi berik bolsyn. Keleshek urpaǵymnyń aldynan endi eshqandaı kedergi kezdespesin. Tek qana mamyrajaı beıbit zaman bolyp, soǵys órti tutanbasyn. Adamdy adam qylatyn, adamgershilik pen adal eńbek qana» – deıdi kópti kórgen soǵys ardageri Qaıyrly Jońqabaev.

 

ALMATY

 

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar