Qoǵam • 06 Aqpan, 2020

Karantın bitkenshe kezdesýge bolmaıdy

132 retkórsetildi

Densaýlyq saqtaý mınıstrliginiń resmı ókili Dıas Ahmetshárip Densaýlyq saqtaý mınıstrliginiń koronavırýs ınfeksııasynyń jaǵdaıy týraly resmı málimdeme jasady.

Onyń sózinshe, bıylǵy 6 qań­tardan bastap búginge deıin Qazaqstanǵa Qytaıdan memlekettik shekara pýnktteri arqyly 30 394 adam kelgen.

«6 qańtardan 4 aqpanǵa de­ıin Densaýlyq saqtaý mınıstr­liginiń mamandary Qytaımen mem­lekettik shekara arqyly ótetin áýejaılar men temir jol beket­terinde 21 838 adamdy, onyń ishin­de 20 084 jolaýshy men 1 814 ekı­paj múshelerin tekserdi. 29 jolaýshydan dene qyzýy men jedel respıratorly vı­rýstyq ınfeksııa belgileri anyqtaldy, olardyń 28-i aýrý­hanaǵa jatqyzyldy. Qazirgi ýa­qytta poıyzdardyń qozǵalysy, áýe qatynasy jáne Qytaımen jeńil avtomobılder tasymaly toqtatyldy. Medısınalyq uıymdar turǵylyqty jeri bo­ıynsha Qytaıdan kelgen azamat­tardyń densaýlyǵyn baqylaýdy jalǵastyrýda. 5 aqpanǵa deıin JRVI belgileri bar 104 adam aýrýhanaǵa jatqyzyldy, 71 adam aýrýhanadan shyǵaryldy, 33 pasıent stasıonarda qaldy. Naýqastardyń jaǵdaıy jaqsy. Koronavırýs anyqtalǵan joq. Biz barlyq aýrýhanadan alynǵan synamalardy Almatydaǵy Ulttyq joǵary ınfeksııalyq ǵylymı ortalyǵyna jiberemiz. Bul ortalyq jańa koronavırýsty PTR-dıagnostıkalaý ádistemesin ıgergen. Sońǵy 14 kúnde kelgen 10 131 adam qazir medısınalyq baqylaýda» dedi resmı ókil.

Mańyzdy málimdeme barysynda ol aǵymdaǵy jyldyń 2-4 aqpan aralyǵynda Qazaqstanǵa basqa elderden memlekettik shekara pýnktteri arqyly 127 573 adam kirgenin, 2020 jyldyń 1 qańtarynan bastap 764 683 adam kelgenin atap ótti. Olardan esh qaýip joq ekenin atap kórsetken resmı ókil sońynda jalǵan aqparattarǵa jol bermeýge shaqyrdy.

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar