AQSh prezıdenti Barak Obamanyń osy jyldyń qyrkúıeginde Sankt-Peterbýrg qalasynda ótetin G20 sammıtine qatysatyny naqtylandy. Biraq, onyń sammıtten keıin Reseı prezıdenti Vladımır Pýtınmen kezdesetindigi nemese kezdespeıtindigi ázirge belgisiz bolyp otyr.
AQSh prezıdenti Barak Obamanyń osy jyldyń qyrkúıeginde Sankt-Peterbýrg qalasynda ótetin G20 sammıtine qatysatyny naqtylandy. Biraq, onyń sammıtten keıin Reseı prezıdenti Vladımır Pýtınmen kezdesetindigi nemese kezdespeıtindigi ázirge belgisiz bolyp otyr.
Budan biraz ýaqyt buryn AQSh basshysynyń osy sammıtke qatysý máselesi áli sheshilmegendigi habarlanǵan edi. Oǵan basty sebep – Reseıdiń AQSh azamaty Edvard Snoýdenge ýaqytsha baspana berýi bolǵan-dy. Osyǵan baılanysty Barak Obama teleshoýda sóılegen sózinde resmı Máskeýdiń bul áreketine narazylyq syńaı tanytyp, «Reseı bıligi «qyrǵı qabaq soǵys» kezindegideı qımyl tanytyp otyr», dep atap ótken edi. Aıta keteıik, alǵashynda sammıt aıaqtalǵan soń, B.Obamanyń Máskeýde AQSh pen Reseıdiń ekijaqty sammıtine qatysýy josparlanǵan bolatyn.
Zań shyǵarýshy organ jumysyn toqtatty
Týnıs ulttyq konstıtýsııalyq assambleıasynyń spıkeri Mýstafa ben Djafar eldiń zań shyǵarýshy organy óz qyzmetin ýaqytsha toqtatatynyn málimdedi. «Reıter» agenttiginiń habarlaýynsha, assambleıa úkimet pen oppozısııa arasynda kelissóz bastalmaıynsha jáne saıası daǵdarys sheshimin tappaıynsha jumys istemeıdi.
Búginde el astanasyndaǵy assambleıa ornalasqan ǵımarat aldynda 40 myńǵa jýyq adam jınalǵan. Polısııanyń derekterine qaraǵanda, sherýshiler «Nahda» ıslamdyq partııasynyń basshysymen birge bıliktegi koalısııanyń otstavkaǵa ketýin talap etýde. Eldiń premer-mınıstri Laraed budan shamaly ýaqyt buryn parlamenttik saılaý 2013 jyldyń jeltoqsanynda ótetinin, al oǵan deıin úkimet otstavkaǵa ketpeıtinin málimdegen edi.
Áskerılerdiń qylmystyq isine núkte qoıyldy
Ystambul soty memlekettik tóńkeris jasaýǵa nıettendi dep aıyptalǵan áskerılerge qatysty úkim shyǵardy. Úkimdi alty sýdıa kezekpen oqyǵan. Al sot otyrysy Ystambuldan 40 shaqyrymdaı jerdegi túrmede ótken.
«Ergenekon» astyrtyn uıymyna qatysty bul qylmystyq ister prosesi bes jyldaı júrgizilgen eken. Sot prokýratýranyń 370-ke jýyq adamǵa taqqan aıyptarymen kelisken. Sot olardyń 21-in aqtap, qalǵandaryn aıypty dep taýypty. Nátıjesinde 20 adam ómir boıy túrmede otyrý jazasyna kesilip, qalǵandary uzaq merzimge bas bostandyǵynan aıyrylǵan kórinedi.
Shekarada taǵy da oq atyldy
Ázerbaıjan men Armenııa shekarasynda armıan áskerı qyzmetshileri mingen avtomobıl atqylandy. Ázerbaıjannyń APA agenttiginiń aqparattary boıynsha, bir adam qaza taýyp, taǵy bir áskerı jaralanǵan. Al avtomashına isten shyqqan sııaqty.
Atalǵan agenttiktiń derek kózderine súıenip habarlaýynsha, armıandar shekaraǵa jaqyn ornalasqan Qazaq aýdanyna «dıversııalyq» áreketter jasamaqshy bolǵan. Avtomashına eki el shekaralarynyń arasyndaǵy «beıtarap aımaqqa» shyqqanda atqylanǵan. Armıandyq tarap Ázerbaıjannyń «bir adam qaza tapty» degen aqparatyn joqqa shyǵaryp otyr. Armenııa áskerı vedomstvosynyń baspasóz hatshysy L.Ovanısıan BAQ-tarǵa bergen suhbatynda bul oqıǵany arandatý dep atapty.
Qyzmetke kirise salyp, otstavkaǵa ketti
Taıvanda Qorǵanys mınıstri bolyp qyzmetke kirisken Endrıý Iаn eki aptadan soń otstavkaǵa ketti. Aqparattarǵa qaraǵanda, onyń qyzmetten ketýine shyǵarmashylyq urlyq (plagıat) sebep bolsa kerek.
Osyǵan baılanysty eks-mınıstr baspasóz máslıhatyn ótkizip, qateligin moıyndady jáne keshirim surady. Onyń málim etýinshe, osy qateligi el basshylyǵy men armııany uıatqa qaldyrdy. Mınıstr bolyp qala berý endi múmkin emes. Sóıtse, saıasatker óziniń 2007 jyly jaryq kórgen kitabynda ózge avtorlardan alynǵan materıaldardy dáıeksóz retinde kórsetpegen eken. Sonymen birge, ol kitaptaǵy birneshe bólimderdi dostary jazǵandyǵyn da jasyryp qalypty.
Terrorlyq áreket jasóspirimder ómirin qıdy
Pákstannyń Karachı qalasynda jastar arasyndaǵy fýtbol komandalarynyń oıynynan keıin bolǵan terrorlyq áreket saldarynan 11 jasóspirim mert boldy. Bul jóninde «Sınhýa» agenttigi habarlady.
Jarylystan, sondaı-aq 26 bala jaraqat alǵan, olardyń birqatarynyń jaǵdaıy aýyr. Jarylǵysh zat fýtbol alańyna jaqyn mańda turǵan motosıklge qoıylǵan kórinedi. Terrorlyq áreketti ázirshe qandaı da bir uıym nemese top moıyndaryna alǵan joq.
Internet materıaldary negizinde ázirlendi.
