Aımaqtar • 06 Aqpan, 2020

Túrkistan kásipkerlik salany túletkeli tur

58 retkórsetildi

Túrkistan oblysynyń Kásipkerler palatasy ótken jyly 10 mıllıard teńge somasynda kásipkerlerdiń quqyqtary men múddelerin qorǵaǵan. Palataǵa kelip túsken 560 ótinishtiń 418-i oń sheshimin tapqan.  

«Eńbek» baǵdarlamasy aıasynda óńirde 12 579 adam oqýdan ótip, olardyń 7 933-i grant ıegeri atanǵan. Qysqamerzimdi oqytý baǵyty boıynsha 5 466 jumyssyz azamat 3 aılyq oqý kýrstarynan ótken. Kýrsty bitirgenderdiń 1 477-i  grant (745,8 mln teńge) ıegeri atandy. Sonymen qatar «Bastaý-Bıznes» jáne «Jas kásipker» jobalary sheńberinde 7 113 adam oqýdy aıaqtaǵan. Onyń aıasynda 2,7 mlrd teńge somasyna 401 joba iske asyrylyp, 3,2 mlrd teńge somasyna 6 456 túlekke grant berilgen. Bıznes ókilderimen kezdesýde osyndaı derekterdi keltirgen Túrkistan oblysy Kásipkerler palatasy dırektorynyń orynbasary Mádı Ibadýllaev ótken jyly atqarylǵan jumystarǵa keńinen toqtaldy.  Kezdesýge oblys ákiminiń orynbasary M.Myrzalıev, Nur Otan partııasy oblystyq fılıaly tóraǵasynyń birinshi orynbasary B.Tájibaev, sondaı-aq, óńirlik keńestiń, Isker áıelder keńesiniń músheleri, ekinshi deńgeıli bankter, qarjy ınstıtýttary men quzyretti memlekettik organdardyń basshylary qatysty.

1

«О́zderińizge belgili, Túrkistan oblysy - qalyptasqan oń bıznes-klımaty bar shaǵyn jáne orta kásipkerlik óńir. Búgingi tańda, oblys shaǵyn jáne orta bıznestiń jumys istep turǵan sýbektileriniń sany boıynsha kóshbasshy jáne olardyń sany ótken jylmen salystyrǵanda 8,5 %-ǵa artqan» dedi Mádı Ibadýllaev.

Kezdesý barysynda kásipkerler ózderin tolǵandyryp júrgen suraqtaryna jaýap aldy. Jıyn sońynda Kásipkerler palatasy men Nur Otan partııasynyń fılıaly arasynda yntymaqtastyq týraly memorandýmǵa qol qoıyldy. Sonymen qatar Túrkistan oblysynyń kásipkerlikti damytýdyń 2020 jylǵa arnalǵan is-sharalar jospary bekitildi.

 

Túrkistan oblysy

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar