Aımaqtar • 06 Aqpan, 2020

Túrkistan: Rýhanı ortalyq jemqorlyqtan azat óńirge aınalýy tıis

83 retkórsetildi

Jemqorlyqpen kúresý - ol tek Agenttiktiń sharýasy emes. Jemqorlyqqa beı-jaı qaramaımyn, adaldyq prınsıpine úles qosam,  respýblıkalyq aqparattyq úgit-nasıhat shtabyna múshe bolam degen azamattarǵa esik ashyq.

Sybaılas jemqorlyqqa qarsy is-qımyl agenttiktiń resmı ókili Arman Berdalın Túrkistan oblysy jurtshylyǵymen aqparattyq-aǵartýshylyq jumystaryn júrgizý maqsatyndaǵy kezdesýde osylaısha kópshilikti adal qoǵamdy birge qalyptastyrýǵa shaqyrdy. Agenttik janynan qurylǵan respýblıkalyq aqparattyq úgit-nasıhat Shtabynyń músheleri júrgizgen túsindirý jumystarynyń negizgi mıssııasy – halyqtyń quqyqtyq saýattylyǵyn arttyrý jáne parasattylyq qundylyqtaryn el ishinde  keń kólemde dáripteý arqyly el azamattarynyń boıyna adaldyq qasıetterin darytý.  Shtabtyń tóraıymy Yrza Tursynzada men agenttik ókili A.Berdalın aldymen oblys aktıvimen kezdesti. Sondaı-aq oblystyq polısııa departamentiniń jeke quramymen keleli kezdesýde adamdyq pen adaldyq, týralyq pen tazalyq qundylyqtary ortaǵa salyndy. Oblystaǵy bilim berý uıymdarynyń basshylaryna parasattylyq prınsıpteri jan-jaqty túsindirildi. Adal bilim berý -   ult bolashaǵyn qurýdyń negizgi tetigi ekendigi, ári  siresken sanany silkintý arqyly sybaılastyqtyń aldyn alýǵa bolatyndyǵy atap ótildi.      

Oblys ortalyǵynan bastaý alǵan aqparattyq-aǵartýshylyq jumystar Arys qalasy men Otyrar aýdanynda jalǵasyn tapty. «Tamshy tama-tama tas jarady. Eger de kúni-túni rasynda aıtylyp jatsa, ulttyń sanasyna quıylyp jatsa, onyń jemisi bolady. Sebebi, qazaqta «Ataly sózge arsyz ǵana toqtamaıdy» degen sóz bar. Sondyqtan aıtý kerek, jetkizý kerek. Dál qazirgi naryqtyń qaınap turǵan ýaqytynda ultymyzdyń jan-dúnıesin oıatýymyz kerek», - dedi shtab jetekshisi Y.Tursynzada otyrarlyqtarmen kezdesýde.   Nasıhattyq top ókilderi kezdesý barysynda «Aqynnyń qalamy – adaldyq alańy» atty  jas shaıyrlardyń utymdy uıqaspen órilip, jemqorlyqsyz bolashaqty  ónege etken óleń-jyrlaryna kýá boldy. Sondaı-aq shtab ókilderi Arys qalasynda ornalasqan «T.Tájibaev atyndaǵy otbasy úlgisindegi balalar aýylynyń» tárbıelenýshilerimen kezdesti. Jas óskinderdi jaqsylyq jasaýǵa jigerlendirý men qoǵamnyń ary taza azamattary etip tárbıeleý maqsatynda uıymdastyrylǵan ıgilikti sharada balalardy parasatty bolýǵa úndedi. Sondaı-aq buǵan deıin Túrkistan oblystyq sybaılas jemqorlyqqa qarsy is-qımyl departamentiniń bastamasymen ótken «Jemqorlyq balalar kózimen» baıqaýynyń júldegerlerine arnaıy syılyqtardy tabystady. Aıta keteıik, agenttiktiń Túrkistan oblystyq departamenti balalar aýylynyń 63 tárbıelenýshisin óz qamqorlyǵyna alyp, olarǵa qoldaý kórsetip keledi. 

Túrkistan óńirinde arnaıy kelgen respýblıkalyq aqparattyq-aǵartýshylyq shtab ókilderi kezdesýlerde turǵyndardy rýhanı ortalyqty jemqorlyqtan azat óńirge aınaldyrýǵa úndedi.

Túrkistan oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar