Qazaqstan • 06 Aqpan, 2020

Qazaqstannyń batysynda jaýyngerlik atys júrgizilip jatyr

53 retkórsetildi

«Batys» óńirlik qolbasshylyǵynyń oqý jattyǵýy polıgondarynda jaýyngerlik daıarlyq qarqyndy túrde júrip jatyr. Bólimsheniń bólim, ekıpaj jáne esep úılesimdiligi prosessi aıaqtalǵannan keıin, bekitilgen shtattyq qarý-jaraqtan jaýyngerlik oq atý tájirıbesine kiristi. Bul týraly «batys» óńirlik qolbasshylyǵynyń baspasóz qyzmeti habarlady.

Jaýyngerlik atys - taktıkalyq daıarlyqty oqytýdyń eń joǵarǵy túri, ol jaýyngerlik úılestirýdiń jáne bólimsheniń (kishi toptardyń) atys jattyǵýynyń sońǵy kezeńi bolyp tabylady.

«Batys» óńirlik qolbasshylyǵynyń oqý jattyǵýy polıgondarynda jaýyngerlik daıarlyq qarqyndy túrde júrip jatyr. Bólimsheniń bólim, ekıpaj jáne esep úılesimdiligi prosessi aıaqtalǵannan keıin, bekitilgen shtattyq qarý-jaraqtan jaýyngerlik oq atý tájirıbesine kiristi. 

Artıllerııalyq jáne mınoatqyshtar eseptoby atys jattyǵýy boıynsha normatıvterdi oryndady. Al, barlaý bólimshesi torýyl men sholǵyndardaǵy is-qımyldy oryndaý tásilderi, izdestirý jáne shabýyldaý sııaqty suraqtardy pysyqtady. Atys jattyǵýyn oryndaý barysynda kedergilerden ótý jáne derbes sharttardy jańartylǵan normatıvterge sáıkes oryndaýǵa basa nazar aýdaryldy. Motoatqyshtar bólimsheleri men teńiz jaıaý áskerleri bólimsheleri qorǵanys pen shabýylda bólimshelerdiń jaýyngerlik atystaryn, sondaı-aq ǵımarattyń shabýylyn oryndady. 

-Atýǵa daıarlyq kezinde jeke quramynyń ózara is – qımylynyń úılesimdiligine, oq-dárilerdiń eń az sanymen maqsatqa qol jetkizilgenine erekshe nazar aýdaryldy, dedi «Batys» óńirlik qolbasshylyǵy áskerleriniń qolbasshysy basqarmasynyń artıllerııa shtabynyń bastyǵy podpolkovnık Darhan О́tkelbaev.

Jaýyngerlik atystardy ótkizý úshin jerdegi jáne áýe maqsattary boıynsha shtattaǵy jáne berilgen bólimshelerdegi qarýdyń barlyq túrlerinen atys júrgizýdi kózdeıtin jaǵdaı jasaldy. Oq atý jeke qorǵaný quraldarynda, jaıaý áskerdiń jaýyngerlik mashınalarynyń jaýyngerleri arqyly, jaıaý áskerdiń jaýyngerlik mashınasyna ornatylǵan pýlemetterden túnde túngi kózdeýdi paıdalana otyryp, jekelegen maqsattar boıynsha júrgizilýi múmkin, sondaı-aq qol granatalaryn laqtyrý kózdeledi.

Sabaqtardyń taqyryby men ýaqytyn rota komandırleri jaýyngerlik daıarlyq baǵdarlamasyna súıene otyryp anyqtady. Bul rette atys jattyǵýynyń 30% keminde túngi ýaqytta ótkizildi.

Oq atýdy oryndaý barysynda gaýbıkalyq vzvod komandıri leıtenant Aıbek Ǵabıden jáne eseptop komandıri aǵa serjant Birjan Ybyraev úzdik kórsetip, jaqsy nátıjege qol jetkizdi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar