Interpol Atyraý oblysynyń burynǵy ákimi Bergeı Rysqalıev pen onyń sybaılastaryna izdeý jarııalady. Bul týraly Ekonomıkalyq qylmysqa jáne sybaılas jemqorlyqqa qarsy kúres (Qarjy polısııasy) agenttiginiń resmı ókili Murat Jumanbaı brıfıng kezinde málim etti.
«Qazirgi tańǵa Bergeı Rysqalıevpen qylmystyq qaýymdastyqta turǵan 23 aıyptalýshynyń qylmystyq isterimen tanysý prosedýrasy júrip jatyr. Bulardyń 11-i osy kúnderi qamaýda otyrsa, taǵy 10 adam úıqamaqqa alynǵan. Taǵy eki adam eshqaıda ketpeý týraly qolhatpen júr. Búginge deıin sot júzinde Bergeı Rysqalıev pen onyń aǵasy Amanjan Rysqalıevke, sondaı-aq taǵy 9 adamǵa qatysty qamaýǵa alý sanksııasy berilip qoıǵan. Olarǵa halyqaralyq izdeý jarııalandy. Izdeý Interpol júıesi boıynsha júredi. Bylaısha aıtqanda, bul qylmyskerlerdi izdeýge endi osy halyqaralyq jelisi bar elderdiń barlyǵy qosylady», - dedi ol.
Resmı ókil sonymen birge, B.Rysqalıevtiń jiti basshylyǵymen jumys jasaǵan atalǵan uıymdasqan qylmystyq qaýymdastyqtyń áreketi 71 mlrd. teńgeniń tóńireginen esepteletinin jetkizdi. Memleketke keltirilgen osynshama mólsherdegi shyǵynnyń 23 mln. teńgesi qazirge deıin qaıtaryldy. Muny múmkin etken qarjy polısııasy budan ári qaıtarymdy jalǵastyrý maqsatynda taǵy jalpy quny 39 mlrd. teńge turatyn múlikke toqtaý saldy.
Qurysh Nurymbet.
