Prezıdent • 06 Aqpan, 2020

Memleket basshysy áleýmettik kásipkerlik ókilderimen kezdesti

200 ret

kórsetildi

1 mın

oqý úshin

Kezdesýge Green TAL áleýmettik sheberhanasynyń basshysy, Best for kids qoǵamdyq qorynyń vıse-prezıdenti Emın Áskerov, «Dastarhan» JShS dırektory Elena Mashınskaıa, «Qamqor otaý» áleýmettik jobasynyń dırektory, «Trenıng-Kafe» áleýmettik jobasynyń úılestirýshisi Baqytjan Qudııarov qatysty. Bul týraly Aqordanyń baspasóz qyzmeti habarlady.

Egemen Qazaqstan

Memleket basshysy áleýmettik kásipkerlik ókilderimen kezdesti

Kásipkerler Prezıdentke elimizdegi áleýmettik kásipkerliktiń ahýaly men ony ári qaraı damytý perspektıvalary jaıynda aıtty. Sonymen qatar olar atalǵan saladaǵy ózekti problemalar jónindegi oılarymen bólisip, onyń ishinde qajetti ǵımarattar men óz ónimderin ótkizý oryndarynyń tapshylyǵy týraly jetkizdi.

Jıynǵa qatysýshylar memleket tarapynan kórsetilip jatqan qoldaýdy joǵary baǵalap, Qazaqstan Prezıdentine bıyl kúzde áleýmettik kásipkerlerdiń birinshi respýblıkalyq forýmyn ótkizý jónindegi jospary týraly baıandady.

Qasym-Jomart Toqaev kásipkerlerdiń qoǵamǵa paıdaly jobalardy júzege asyryp jatqany úshin rızashylyq bildirip, olardyń forým ótkizý jaıyndaǵy ıdeıasyn qoldady. Prezıdenttiń aıtýynsha, memleket búkil respýblıka aýmaǵyndaǵy áleýmettik bızneske jan-jaqty qoldaý kórsete beredi.