Jańa synaqtyń jaýapkershiligi
Muny saılanǵan ákimder de, turǵyndar da jaqsy túsinedi
Arshaly oblys ortalyǵy Kókshetaýdan 400 shaqyrymdaı alshaq jatyr. Biraq, ony shalǵaı aýdan dep aıta almaısyz. О́ıtkeni, aýdannyń ortalyq qonysy Astanadan alpys-aq shaqyrym jerde ornalasqan. Osynyń ózinen-aq óńirge júktelgen jaýapkershilik júgin salmaqtaı berýge bolady.
Jańa synaqtyń jaýapkershiligi
Muny saılanǵan ákimder de, turǵyndar da jaqsy túsinedi
Arshaly oblys ortalyǵy Kókshetaýdan 400 shaqyrymdaı alshaq jatyr. Biraq, ony shalǵaı aýdan dep aıta almaısyz. О́ıtkeni, aýdannyń ortalyq qonysy Astanadan alpys-aq shaqyrym jerde ornalasqan. Osynyń ózinen-aq óńirge júktelgen jaýapkershilik júgin salmaqtaı berýge bolady.
Elbasy N.Á.Nazarbaevtyń tapsyrmasymen úlken eki joba júzege asyrylýda. Birinshisi – Astananyń aglomerasııalyq aımaǵyn qalyptastyrý. Osyǵan oraı 2011-2013 jyldardy qamtıtyn arnaıy baǵdarlama qabyldanyp, seriktes aýyldar men kentter sany óse túsýde. Bul eldi mekender turǵyndarynyń sany sońǵy jyldary 2,5 esege ósti. Biraq, áli de Astanaǵa baryp-kelip jumys isteıtinder kóp. Ekinshi kúrdeli mindet – Astananyń azyq-túlik beldeýin jasap, dastarqan mázirin molaıtýda oblystyń barlyq aýdandary belsenip qyzmet atqaryp jatqanymen, jumystyń negizgi aýqymy arshalylyqtarda ekeni belgili.
Munyń bárin aıtyp jatqanymyz, aýyl ákimderiniń buryn bolmaǵan synaq-saılaýynyń orasan mańyzyn alǵa tartý edi. Sebebi, saılaý aldyndaǵy jınalystarda búginginiń tabysy erteńge ólshem bolmaı qalǵanyn halyqtyń ózi aıtyp jatyr. Astarynda «bolashaq ákim, sen de oılan» degen túıin jatqanyn ańǵarý qıyn emes. Aýdanda 12 aýyldyq, 1 poselkelik okrýg bar. Osy on úsh orynǵa 39 úmitker usynylyp, tirkelipti. Aýdan ákimi Qanat Qaraýylov alǵashqy keńestik sıpattaǵy turǵyndar jıynyna óziniń orynbasarlary men mekeme basshylaryn ala barǵan. Hattamalarǵa kóz salǵanymyzda ár basqosýda jeti-segiz adamnan sóz sóılep otyrǵanyn baıqadyq. Mundaı belsendilikti aýdan sheneýnikteriniń qatysýymen baılanystyrǵannyń ózinde, aýyldyń bolashaq kóshbasshylary tóńiregindegi másele eshkimdi beıjaı qaldyrmaıtyny birden baıqalady. Aýdandyq gazettegi áriptesterimiz úmitkerlerdiń úgit-nasıhat naýqanyn qyzý ári mádenıetti ótkizgenin aıtyp jatyr. Muny erteńgi ákimniń bet-beınesin aıqyndaıtyn kórsetkish retinde qabyldaýǵa da bolady. Sóıtip, kópten kútken saılaýda, densaýlyǵyna baılanysty óz ótinishimen kandıdatýrasyn alyp tastaǵan bir kisiden basqasynyń bári daýysqa túsip, baqtaryn synady.
Biz aýdandyq saılaý komıssııasynyń tóraıymy Nına Oleınıkpen birge, aýdandyq ákimdik ǵımaratyndaǵy daýys berý zalyn aralap shyqtyq. Munda úsh daýys berý kabınasy jabdyqtalyp, bıýlletenderdi salý jáshigi kórnekti jerge qoıylypty. Komıssııa músheleriniń, baıqaýshylar men úmitkerlerdiń senimdi ókilderine arnalǵan ústelderde saılaý zańnamasyna qatysty aqparattyq materıaldar qoıylǵan. Memlekettik rámizder rýh kóteredi.
Saǵat tili 10.00-di soqqanda aýdandyq máslıhat hatshysy Iýrıı Serıkov bastaǵan 13 depýtat arnaıy oryndarǵa jaıǵasyp, komıssııa músheleri saılaý qaǵıdasyn taǵy bir eske saldy. Daýys berý bastaldy. Ol jurt kútkendeı tez aıaqtala qoıǵan joq. Bir saǵattan astam ýaqytqa sozyldy. Osynyń ózinen halyq qalaýlylarynyń mańyzdy naýqanǵa asa jaýapkershilikpen qaraǵanyn, durys tańdaý jasaýdy murat tutqanyn ańǵarýǵa bolady. Onyń nátıjesi saılaý qorytyndysyn daýys berýshiler men onyń ótkizilýin baıqaýshylardyń dý qol shapalaqtaýymen qarsy alǵanynan da kórinip turdy. Saılanǵan 13 ákimniń altaýy burynǵy qyzmetin jalǵastyratyn boldy. Aýdan ortalyǵy Arshaly kenti men Saraba aýyldyq okrýgine Bıbigúl Moldabekova men Mahabbat Muratova jetekshilik etetin boldy. Jańa turpatty ákimderdiń toǵyzy «Nur Otan» HDP múshesi.
– Elimizde tuńǵysh ret ótkizilgen saılaýdyń mańyzdylyǵy tolǵandyrdy, – deıdi bizdiń quttyqtaýymyzǵa oraı Volgodon aýyldyq okrýginiń ákimdigine qaıta saılanǵan Janat Kúselbekov. – Kórshiles Harkov selosynda týǵanymmen, búkil sanaly ǵumyrym Volgodonda ótip keledi. 1975 jyldan bastap dene shynyqtyrý muǵalimi, keńsha r kásipodaq uıymynyń tóraǵasy, partkom hatshysy, dırektordyń orynbasary boldym, sońǵy 11 jylda osy okrýg ákimi qyzmetindemin. Aýdandyq máslıhat depýtattarynyń aýyl turǵyndarynyń yqylasyn jerge tastamaǵanyna rızamyn. Aldymyzda úlken mindetter tur. Bizde balabaqsha kezegine 130 bala tirkelgen. Babataı-Volgodon-Qoıgeldi baǵytyndaǵy joldyń kúrdeli jóndelýi kútip tur. Okrýgimizde 30-dan astam ult ókili turady. Eldiń yntymaǵy men jarasty tirshiligin qamtamasyz etý jolynda qajyr-qaırat jumsaıtyn bolamyn.
Aýdandyq máslıhattyń depýtaty, aýdandyq ardagerler keńesiniń tóraǵasy Serik Jaqypov aqsaqal aýyl ákimdigine úmitkerlerdiń júrekke jyly básekelestik orta qalyptastyrǵanyn tilge tıek etti. Munyń ózi elge tutqa bolar azamattardyń kóp ekendigin, bolashaǵymyzdyń senimdi qolda ekendigin kórsetedi. Al aýdanymyzdyń 50 ultty biriktiretin 28 myńǵa jýyq turǵyny búgingi saılaýdan ıgi úmitter kútetini anyq. Qurylǵanyna 85 jyl tolyp otyrǵan aýdanymyz jańa tolqyn ákimderdiń uıymdastyrýshylyq qabiletteri men tabandylyǵy arqasynda Memleket basshysy qoıyp otyrǵan mindetter bıiginen tanylatyny anyq.
Saılaýǵa baıqaýshy retinde qatysqan «Habar» telearnasy jáne oblystyq «Arqa ajary» gazeti men «Qazaqstan» telejýrnalısteri, úmitkerlerdiń senimdi ókilderi búgingi kúnniń mańyzdy oqıǵasy talap dárejesinde ótkizilgenin, eshqandaı zań buzýshylyqqa jol berilmegenin atap kórsetti.
Sóz sońynda 8 tamyzdaǵy saılaýda 40 áıeldiń ákim laýazymyna ıe bolǵanyn, 188 ákimniń óz oryntaǵyna qaıta saılanǵanyn, onyń ótkizilýin 122 baıqaýshy qadaǵalaǵanyn aıta ketýdi jón kórdik.
Baqbergen AMALBEK,
«Egemen Qazaqstan».
Aqmola oblysy.
Sýretterdi túsirgen
Ermurat DOSYMOV.
Belsendilikti bıikteter senim
Búginde jurtshylyq tarapynan zor qyzyǵýshylyq pen ynta-yqylas týdyrǵan jergilikti basqarý júıesindegi sony úrdistegi shara – aýyl ákimderin saılaý keshe Qaraǵandy óńirinde de ótti. Oblystyq saılaý komıssııasynyń málimeti boıynsha, 202 celolyq okrýgter men aýdandyq baǵynystaǵy kentterden usynylyp, tirkelgen 603 úmitkerge tańdaý jasaldy. Osy jaýapty mindet júgin kóterýge umtylys-nıet tanytýshylardyń 1 orynǵa bireýden, ekeýden emes , 3-ten birdeı balamaly negizde saılaýǵa túsýi tartysty qyzdyrdy. Mundaı jaǵdaıǵa Temirtaý qalasy men Buqar jyraý aýdanyndaǵy saılaý barysymen tanysqanymyzda kýá bolǵan edik.
Aldymen jol Saılaýdy qadaǵalaý jónindegi respýblıkalyq qoǵamdyq komıssııanyń tóraǵasy О́mirzaq Ozǵanbaev bastaǵan oblystyq ardagerler keńesi múshelerimen birge Temirtaýǵa tústi. Kelgen betimizde qalalyq máslıhat depýtattarynyń daýys berýine tyńǵylyqty daıyndyq birden bilindi. Saıası partııalardyń, qoǵamdyq, uıymdardyń, úmitkerlerdiń senimdi ókilderi bir jaǵynan, baqylaýshylar ekinshi jaǵynan qadaǵalap, zańǵa saı ótýin nazardan tys qaldyrmady.
Baıqalǵandaı, jergilikti halyq qalaýlylaryna ońaı jaýapkershilik júktelmepti. Shahar irgesindegi Aqtaý kenti ákimine kandıdat bolyp tirkelýshi 3 azamat ishinen eń laıyqtysyna tańdaý jasaý 17 depýtattyń qaı-qaısysyn da qatty oılantqany sezildi. О́ıtkeni, 3-ýi de bilimdi dese bilimdi, qabiletti dese qabiletti úmitkerler ekeni ózderine de, turǵyndarǵa da kópten belgili. Kenttiń qazirgi ákimi Serdaly Qojahmet, orynbasary Aıdos Ordabaev jáne Temirtaý qalasy ákimdiginiń turǵyn úı-kommýnaldyq baǵdarlamalar baqylaý bóliminiń jetekshisi Ermek Dónenbaevtyń jalǵyz ǵana óndiris orny – sement óndirý zaýyty bar, onyń óziniń jumysy onshalyqty ońǵa baspaı, kenttegi jalpy jaǵdaıdy aýyrlatyp turýyna qaramastan, qıyn býyndy basqarýǵa talap etýleri saılaý aldyndaǵy kezdesýlerde jyly qabyldanyp, qoshtalǵan-dy.
Mine, jınalǵandar kútken tolqynysty sát týdy. Daýys berýge qatysqan 17 tańdaýshynyń qalaýy kimge basymdyraq bolǵany saılaý bıýlletenderi muqııat sanalǵan soń qalalyq saılaý komıssııasynyń tóraıymy Natalıa Shevchenko tarapynan málim etildi. Ol Aıdos Ordabaev eken. Oǵan 14-i tańdaý jasapty.
– Bizge laıyqtynyń laıyqtysyn qalaý ońaı bolmady. Áriptesterim sııaqty men de biraz tolǵandym. Daýys sanaý nátıjesi kórsetkendeı, Aıdos Ordabaev senimdi aqtaı alatyn jigit. Kent jaǵdaıyn jetik biledi, ortamyzda shyńdalyp keledi, turǵyndar múdde-muqtajyna árdaıym elgezek, – dedi ile tildesýge tartqan atalǵan kent kásipkeri, Temirtaý qalalyq máslıhatynyń depýtaty Sergeı Gýlko.
Budan keıin Buqar jyraý aýdanyna jol tarttyq. Oblysta sel
