Prezıdent • 06 Aqpan, 2020

Prezıdenttiń tapsyrmasynan keıin jańa ortalyq quryldy

86 retkórsetildi

Qazaqstan Prezıdenti Ákimshiligi janynan Áleýmettik-ekonomıkalyq reformalardy taldaý jáne monıtorıngteý ortalyǵy quryldy. Ortalyqqa Prezıdent Ákimshiligi basshysynyń áleýmettik-ekonomıkalyq máseleler jónindegi orynbasary Tımýr Súleımenov basshylyq etedi. 




Ortalyqtyń quramyna ekonomıka jáne qarjy salasy boıynsha belgili qazaqstandyq sarapshylar kiredi. Negizgi maqsaty – reformalardy jedel júzege asyrý úshin naqty usynystar daıyndaý. 

Jańa ortalyq basshysy Tımýr Súleımenov 1978 jyly 5 sáýirde dúnıege kelgen. 2000 jyly Pavlodar memlekettik ýnıversıtetin bitirip, 2002 jyly «Bolashaq» baǵdarlamasymen Merılend ýnıversıtetinde iskerlik ákimshilendirý magıstri mamandyǵy boıynsha bilim alǵan. Ár jyldary Ekonomıka jáne bıýdjettik josparlaý vıse-mınıstri, Ekonomıkalyq damý jáne saýda vıse-mınıstri, Ulttyq ekonomıka mınıstri qyzmetin atqardy. 2019 jyldyń naýryzynda Ulttyq bank tóraǵasynyń orynbasary bolyp taǵaıyndalyp, kóp uzamaı Prezıdenttiń kómekshisi boldy.

Eske sala ketsek, bıyl 24 qańtarda ótken Úkimettiń keńeıtilgen otyrysynda Prezıdent Qasym-Jomart Toqaev áleýmettik-ekonomıkalyq reformalardy taldaý jáne monıtorıngteý ortalyǵyn qurý týraly aıtqan bolatyn. 

«Bul jarııalanǵan reformalardyń oryndalýyn baqylaý álsiz. Úkimet reformalardy ázirlep, olardy júzege asyrýda jáne onyń jumysynyń sapasyn baǵalaıdy. Jaǵdaıdy ózgertý qajet. Prezıdent Ákimshiliginiń janynan Áleýmettik-ekonomıkalyq reformalardy taldaý jáne baqylaý ortalyǵyn qurýdy tapsyramyn. Ortalyq erikti negizde jumys isteıdi, oǵan Prezıdent Ákimshiliginiń qyzmetkerlerinen bólek ǵylymı jáne saraptamalyq qaýymdastyq ókilderi kiredi» degen bolatyn Memleket basshysy.

Qasym-Jomart Toqaevtyń aıtýynsha, bul ınstıtýt damyǵan saıyn Prezıdent janyndaǵy reforma agenttigine aınalýy múmkin. Bul ýaqytta ortalyq eshqandaı bıýdjettik shyǵyndarsyz qurylady. 

 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar