Jyl saıyn uıymdastyrylatyn jarysta ótken jyly bizdiń qurama qola medalǵa ıe bolǵan. Bıyl alǵashqy eki aınalymda Qaraǵandy men Almaty qalalarynyń basketbolshylaryn jarys jolynan shyǵaryp, úshinshi kezdesýde Aqtóbe komandasynan basym túsken. Al, aqtyq synda Shymkent qalasynyń qurama komandasyn 68:55 esebimen utqan.
–Men bul quramany 6 jyl jattyqtyryp kelemin. Osy órimdeı qyzdardy 2014 jyly ózim iriktep alǵanmyn. Sodan beri qyzdar kóp jetistikterge jetti. Sonyń biri osy Qazaqstan chempıonaty. Tamyz aıynda jıyn boldy. Qyrkúıek aıynan bastap daıyndaldyq. Eń qıyn kezdesý fınal boldy. Oıynnyń alǵashqy mınýttarynda qyzdar upaı sanymen jeńilip jatqan, biraq oıyn sońynda jeńiske jetti,–deıdi jattyqtyrýshy Vıktorııa Volkova.
Jarys barysynda úzdik sheberlik tanytyp, ádemi oıyn órnegin kórete bilgen jerlesimiz Nadejda Iаkovleva chempıonattyń úzdik basketbolshysy degen atqa ıe bolypty.
