Qoǵam • 06 Aqpan, 2020

Nur-Sultanda Úkimettik emes uıymdardy qoldaý ortalyǵynyń keńsesi ashyldy

22 retkórsetildi

Búgin elorda ákiminiń orynbasary Baqtııar Máken Nur-Sultan qalasy azamattyq bastamalar ortalyǵynyń jańa keńsesiniń jumysymen tanysty. Ortalyq Qoǵamdyq damý isteri basqarmasynyń qoldaýymen memlekettik áleýmettik tapsyrys aıasynda quryldy. Bul týraly Nur-Sultan qalasy ákimdiginiń baspasóz qyzmeti habarlady. 

Bul jobany «KAMEDA» qoǵamdyq qory iske asyrdy. Ortalyqtyń aýmaǵy 300 sharshy metrdi quraıdy. Onda trenıng zaly, sheberlik-klasstarǵa arnalǵan bólme, ÚEU ókilderi úshin jumys kabınetteri bar. Qoǵamdyq birlestikter úshin óteýsiz negizde áleýmettik is-sharalar ótkizýge zal usynylady. Ortalyqtyń basty mindeti – azamattyq bastamalardy, áleýmettik baǵdarlanǵan kommersııalyq emes uıymdar jumysyn qoldaý. Mekemede qoǵamdyq uıymdardyń ókilderine ádistemelik, konsýltasııalyq kómek kórsetiletin bolady.

Ortalyq elordalyq ÚEU ókilderi tarapynan túsetin ótinimder sanyn arttyrýdy kózdeıdi. Sondaı-aq mekeme úkimettik emes uıymdarǵa jobalardy qarjylandyrý men rásimdeýge qoldaý kórsetý úshin granttar men memlekettik áleýmettik tapsyrysty alýǵa járdemdesedi. Ortalyqty aralaý kezinde Baqtııar Máken Úkimettik emes uıymdardy damytý úshin jaǵdaı jasaýdyń mańyzdy ekendigin atap ótti.

«Ortalyq Úkimettik emes uıymdardyń damýy men nyǵaıýyna yqpal etedi. Bul óz kezeginde, elorda turǵyndaryn qoǵamnyń áleýmettik mańyzdy máselelerine beıjaı qaramaýyna alyp keledi. Qala ákiminiń tapsyrmasy boıynsha jyl saıyn biz ózekti jobalardyń sany men memlekettik áleýmettik tapsyrysty qarjylandyrý kólemin ulǵaıtatyn bolamyz» dedi ákim orynbasary.

Sońǵy jańalyqtar

Koronavırýs: Shymkentte 12-jaǵdaı tirkeldi

Koronavırýs • Búgin, 11:11

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar