Aımaqtar • 06 Aqpan, 2020

Petropavlǵa Nurlan Ermekbaev jumys saparymen keldi

54 retkórsetildi

Búgin Petropavlǵa Qorǵanys mınıstri Nurlan Ermekbaev jumys saparymen keldi.

Oblys ákimdiginiń ǵımaratynda ol oblys ákimi Qumar Aqsaqalovpen «Jas sarbaz» balalar men jasóspirimderdiń áskerı-patrıottyq tárbıe jónindegi qoǵamdyq birlestigi boıynsha yntymaqtastyq jasaý jónindegi memorandýmǵa qol qoıdy.  Mundaı birlestikter Elbasy N.Nazarbaevtyń bastamasymen respýblıka boıynsha qurylǵan edi. Qazir jalpy sany 200 myńdaı tárbıelenýshisi bar 6535 klýb jumys isteıdi eken. Sonyń ishinde Soltústik Qazaqstan oblysynda jumys isteıtin 315 klýb pen synyptardaǵy jasóspirimderdiń Otan qorǵaýǵa degen daıyndyǵy respýblıka boıynsha aldyńǵy qatardaǵylardyń biri bolyp otyrǵan kórinedi. Bul týraly memorandýmǵa qol qoıar aldyndaǵy shaǵyn sózinde oblys ákimi Q.Aqsaqalov atap ótti. «Bizdiń óńirimizden Qojabergen jyraýdaı qolbasy sardar, Aǵyntaı, Tileýke sııaqty batyrlar shyqqan. Búgingi urpaq olardyń erligin oqyp-zerttep, ózderine úlgi etedi» dedi ol. 

Qorǵanys mınıstri N.Ermekbaev óziniń sózinde soltústikqazaqstandyq jastardyń jergilikti bıliktiń qoldaýy arqasynda otansúıgishtik sezimderiniń joǵary ekendigi kórinip júrgenin túrli saıystar men konkýrstardan jaqsy biletinin atap ótti. «Jas sarbaz» jasóspirimderdiń áskerı-patrıottyq qozǵalysyna qatysýshylardyń alǵan bilimderi men tájirıbeleri olardyń keıingi ómirinde paıdasyn tıgizetinin bilemiz. Bolashaqtaǵy oqýynda da, qyzmetinde de, bıznes salasynda da osynda alǵan tárbıeleri paıdasyn tıgizedi» dedi mınıstr óz sózinde.

Osydan keıin Qorǵanys mınıstri Petropavldyń «Kırov atyndaǵy zaýytyna» baryp, onyń ónimderimen tanysty. Munda oǵan kásiporynnyń bas dırektory A.Arǵymbaev túsinikteme berdi. Sodan soń N.Ermekbaev «PZTM» zaýytyna jáne Qorǵanys mınıstrliginiń áskerı-tehnıkalyq mektebine baryp, olardyń jumysymen tanysty.    

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar