Antalıanyń «Grand Rıng» qonaq úıinde ýlanǵan birqatar sheteldik demalýshylardyń arasynda Qazaqstannyń 5 azamaty bar ekendigi belgili boldy.
Antalıanyń «Grand Rıng» qonaq úıinde ýlanǵan birqatar sheteldik demalýshylardyń arasynda Qazaqstannyń 5 azamaty bar ekendigi belgili boldy.
Qazaqstannyń Antalıadaǵy konsýldyǵynan kelip túsken aqparatqa sáıkes, otandastarymyz der kezinde jergilikti «Marına» emhanasynda tıisti em sharalaryn alyp, qonaq úıge qaıtaryldy.
Konsýldyq qyzmetkerler qazaqstandyqtarǵa barlyq tıisti kómekti kórsetti, emdeý mekemesiniń qyzmetkerlerimen kezdesip, azamattarymyzdyń densaýlyǵyna qazirgi ýaqytta eshqandaı qaýiptiń joq ekendigi anyqtaldy.
Azamattardyń ýlaný sebebin anyqtaý úshin, qonaq úı basshylary jáne medısınalyq personalmen kezdesý uıymdastyryldy. Munymen qosa, Antalıa qalasynyń sanıtarlyq baqylaý salasyndaǵy quzyrly organdary tıisti jumystar atqarýda.
Qazirgi ýaqytta 3 azamatymyz basqa qonaq úıge aýystyryldy, 2 adamǵa aqshalary qaıtaryldy. Olardyń jaǵdaıy turaqty jáne ózderiniń densaýlyǵynan eshqandaı da bir shaǵym joq ekendigin habarlady.
Jalpy, osy qonaq úıde Qazaqstannyń 33 azamaty bar ekendigi anyqtaldy, dep habarlady QR SIM baspasóz qyzmeti.
