Aımaqtar • 06 Aqpan, 2020

Qazaqstandyq moldovandar «Meniń Otanym – Qazaqstan» festıvalin ótkizdi

46 retkórsetildi

«Rýhanı jańǵyrý» baǵdarlamasy aıasynda Dostyq úıinde  Qazaqstannyń «Strýgýrash» moldavan etnomádenı ortalyǵy» qoǵamdyq birlestiginiń uıymdastyrýymen «Meniń Otanym - Qazaqstan» dástúrli festıvali ótti.

Qoǵamdyq kelisim men jalpyulttyq birlikti nyǵaıtý, qazaqstandyq etnos ókilderiniń mádenıetin nasıhattaý, baýyrlas halyqtar arasynda áriptestik baılanys ornatyp, dostyq qarym-qatynastardy arttyrýdy maqsat etetin dástúrli shara  «Meniń Otanym – Qazaqstan» dóńgelek ústelimen jalǵasyn tapty.   

Dóńgelek ústelge jınalǵan qaýym aldynda sóz sóılegen QHA tóraǵasynyń orynbasary – Hatshylyq meńgerýshisi J. Túımebaev búginde qazaq ólkesinde turyp jatqan moldavan halqynyń tarıhymen qatar, táýelsiz Qazaqstannyń damýyndaǵy úlesi týraly aıtyp ótti. «Bıylǵy jyl ǵulama ǵalym ál-Farabıdiń týǵanyna – 1150 jyl,  uly Abaıdyń 175 jyldyǵy, Qazaqstan Respýblıkasynyń Konstıtýsııasyna jáne Qazaqstan halqy assambleıasyna 25 jyl sııaqty mańyzdy sharalarmen erekshelenedi. Memleket basshysy Q.Toqaev osy sharalardyń memlekettik deńgeıde atalyp ótetinin ári osy sharalardy ótkizýde Assambleıanyń úlesi zor ekendigin atap ótti.  Al moldovan etnomádenı festıvali osy aıtýyly sharalarmen tuspa-tus kelip otyr», dedi óz sózinde J.Túımebaev.  Sondaı-aq, II Dúnıejúzilik soǵys jyldarynda Moldavııany azat etýdegi bes qaharman qazaqtyń erligi týraly aıtyp ótken J.Túımebaev olardyń ishinde Qanash Qamzın esimine erekshe toqtaldy. Búginde Anenıı Noı aýdany Gýra-Bykýlýı aýylynda  Keńes odaǵynyń batyry Qanash Qamzınge memorıaldyq taqta ornatylǵan.

Qazaqstan jerine moldavandardyń alǵash kelýi HH ǵasyrdyń 20-shy jyldarymen tustas keledi. Moldavan halqy ókilderi 1942 jyldyń mamyr aıyna Aqtóbe oblysyna – 481, qazirgi Atyraý oblysyna – 1295, Batys Qazaqstan oblysyna – 684, barlyǵy - 2460 adam kúshtep qonystandy. Qazirgi kezde Qazaqstanda 14 myń molodovan bolsa, olardyń 2,4  myńy Qaraǵandy, 1,6 myńy Aqmola, 1,4 myńy Aqtóbede, 3 myńy Almatyda turady.

Qazaqstan moldavandarynyń ómir-saltyna, elimiz damýyna qosqan úlesi jaıyna toqtalǵan «Strýgýrash» moldavan mádenı ortalyǵy» qoǵamdyq birlestiginiń tóraıymy T.N.Elgeldıeva óziniń qazaq otbasy týraly aıtyp ótip, ultaralyq tatýlyq, yntymaqtastyq máselesin sóz etti.

Búginde elimizdiń qorǵanys salasyna mamandar daıarlaýǵa úles qosyp júrgen áskerı-áýe kúshteriniń burynǵy qolbasshysy, avıasııa general-maıory, áskerı ushqysh-snaıper A.T.Starysh Qazaqstanǵa kelý tarıhynan bastap, búgingi eldiń damýyndaǵy qyzmet barysyna toqtaldy. Qazaqstannyń áskerı áýe kúshteriniń elimizdiń beıbit aspanyn qorǵaýdaǵy áleýeti, halyqaralyq baılanystar men mamandar daıarlaý máselesine de toqtaldy.

Merekelik sharada Qazaqstan rýmyn-moldavan qaýymdastyǵynyń qurmetti tóraǵasy V.A.Vasılev,  «Naırı» armıan mádenı ortalyǵy qaýymdastyǵynyń tóraǵasy A.M.Karapetıan, Almaty QHA tóraǵasynyń orynbasary K.V.Mamsýrov, «Ahyska» túrik ortalyǵy tóraǵasynyń orynbasary Q.T.Qasymov sóz sóılep, moldavan halqynyń táýelsiz Qazaqstannyń damý jolyndaǵy eren eńbegi, yqylasty peılin jarqyn mysaldarmen órbitti. 

Mádenı festıval «Ádebı álem: adamdar, oqıǵalar, faktiler» kitaptar kórmesin men Eńbek sińirgen óner qaıratkeri Mıhaıl Grozanyń jeke sándik-qoldanbaly óner buıymdarynyń jeke kórmesin, sondaı-aq shyǵarmashylyq ujymdardyń konsertimen jalǵasyn tapty.

 

 

ALMATY

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar