Parlament • 06 Aqpan, 2020

Májiliste tutynýshylardyń quqyqtaryn qorǵaýǵa baǵyttalǵan zań jobasy tanystyryldy

2 retkórsetildi

Búgin Májiliste «Qazaqstan Respýblıkasynyń keıbir Zańnamalyq aktilerine tutynýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasy tanystyryldy. Bul týraly Parlament Májilisiniń baspasóz qyzmeti habarlady.

Is-shara jumysyna depýtattarmen qatar memlekettik organdardyń, parlamenttik emes saıası partııalardyń, qaýymdastyqtar men qoǵamdyq birlestikterdiń, «Atameken» Ulttyq Kásipkerler palatasynyń ókilderi jáne sarapshylar qatysty.

Taqyryp boıynsha Saýda jáne ıntegrasııa vıse-mınıstri Qaırat Tórebaev baıandady. Zań jobasyna usynylyp otyrǵan zańnamalyq túzetýler paketi úkimettik emes uıymdardyń, ózin-ózi retteý jáne qoǵamdyq baqylaý ınstıtýttarynyń rólin kúsheıte otyryp, tutynýshylar quqyǵyn qorǵaýdyń tutas jáne tıimdi júıesin qalyptastyrýǵa baǵyttalǵan.

Tujyrymdamalyq negiz retinde tutynýshylardyń quqyqtaryn qorǵaýdyń aralas modeli alynǵan, onda memleket «Aqyldy» ákimshilendirýmen shekteledi, al buzylǵan quqyqtardy qalpyna keltirýmen sotqa deıingi retteý ınstıtýttary aınalysady. Vıse-mınıstrdiń aıtýynsha, búgingi tańda tutynýshylardyń quqyqtaryn qorǵaýdyń ulttyq júıesi barlyq memlekettik organdar men 208 úkimettik emes uıymdardyń jumysyn qamtıdy. Alaıda, ózara is-qımyldyń naqty rettelmeýi, júıeniń árbir qatysýshysynyń róli men mártebesin bekitý memlekettik saıasattyń tutas qalyptasýyn, tıisinshe, bizdiń halqymyzdyń quqyqtaryn qorǵaýdyń sapaly deńgeıin qamtamasyz etpeıdi.

Negizgi problemalyq máselelerge toqtala kele, Q.Tórebaev qoldanystaǵy júıe kóbine ákimshilik sharalarǵa baǵyttalyp, buzylǵan quqyqtardy qalpyna keltirýge nemquraıly qaraıtynyn aıtty.

Bul tutynýshylardyń quqyqtaryn qorǵaýdyń qarapaıym jáne túsinikti algorıtminiń joqtyǵymen jáne tutynýshylardyń qarapaıym quqyqtaryn buzǵany úshin kásipkerlerdiń jazalanbaýymen baılanysty. Zań jobasynda osy máselelerdi sheshý úshin tutynýshylardyń quqyqtaryn qorǵaýdyń ınstıtýsıonaldy júıesin bekitý qarastyrylǵan.

Sondaı-aq zań jobasymen shaǵymdardy qaraýdyń úsh satyly júıesin engizý kózdelgen. I-deńgeıde satýshynyń shaǵymdy mindetti túrde 10 kúndik qaraý merzimde qaraýyn engizýdi usynamyz. Bul rette ýákiletti organnyń jáne sotqa deıingi retteý ınstıtýttarynyń baılanystary taýarlardy, jumystar jáne qyzmetterdi usynatyn jerlerde ornalastyrylýy kerek. II-deńgeıde - shaǵym daýlardy sotqa deıingi qaraý ınstıtýttaryna ne ýákiletti organǵa kelip túsedi. Sotqa deıingi retteý ınstıtýttaryn yntalandyrý maqsatynda zań jobasynda daý sotqa deıingi tártippen sheshilgen jaǵdaıda, kásipkerlerdi ákimshilik jaýapkershilikten bosatý múmkindigi qarastyrylǵan. III-deńgeıde shaǵym sotta qaralady. Osylaısha, daý-damaılardyń basym bóligi birinshi deńgeıde, ıaǵnı, satýshymen talqylaý satysynda sheshilip, onyń qoǵam aldyndaǵy áleýmettik jaýapkershiligin jáne satyp alýshynyń aldyndaǵy materıaldyq jaýapkershiligin arttyrady, - dedi Q.Tórebaev.

Zań jobasyndaǵy usynylyp otyrǵan taǵy bir jańalyq - «bir tereze» qaǵıdaty boıynsha shaǵymdardy qabyldaýdyń biryńǵaı aqparattyq júıesin qurý bolyp tabylady. Mundaı júıeni qurý shaǵymdy daıyndaý jáne ony quzyrly organdarǵa joldaý rásimderin jeńildetýge jáne arzandatýǵa, sondaı-aq, barlyq ótinishter men olardy qaraý nátıjelerin sıfrlandyrýǵa múmkindik beredi.

Odan basqa úkimettik emes uıymdardy qoldaý maqsatynda qoldanystaǵy quzyret aıasynda tutynýshylardyń qoǵamdyq birlestikteri men zań keńesshileri palatalaryna taralatyn memlekettik áleýmettik tapsyrys taqyryby keńeıtildi.

Aqysyz qorǵaý qyzmetteri qıyn jaǵdaıǵa tap bolǵan tutynýshylarǵa, múgedekterge, zeınetkerlerge, UOS qatysýshylaryna jáne t.b kórsetiledi. Tanystyrylym barysynda aıtylǵan usynystar men eskertýler odan ári Májilis depýtaty, Ekonomıkalyq reforma jáne óńirlik damý komıtetiniń hatshysy Merýert Qazbekova jetekshilik etetin jumys tobynyń otyrystarynda qaralatyn bolady.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar