Parlament • 06 Aqpan, 2020

Májiliste sybaılas jemqorlyqqa qarsy is-qımyl máseleleri boıynsha túzetýler tanystyryldy

59 retkórsetildi

Búgin Májiliste sybaılas jemqorlyqqa qarsy is-qımyl máselelerine qatysty zańnamalyq túzetýlerdiń tanystyrylymy ótti. Bul týraly Parlament Májilisiniń baspasóz qyzmeti habarlady.

Is-sharaǵa memlekettik organdar, respýblıkalyq advokattar alqasy, Qazaqstannyń Zańgerleri odaǵynyń, «Atameken» UKP ókilderi qatysty.

Otyrysty ashqan Májilis depýtaty, Halyqaralyq ister, qorǵanys jáne qaýipsizdik komıtetiniń múshesi Janat Jarasov álemniń eń básekelestikke qabiletti 30 eliniń qataryna kirý boıynsha baǵdarlamasyn jarııalaǵan kezde Qazaqstannyń Tuńǵysh Prezıdenti – Elbasy N.Á.Nazarbaev bizdiń elimizde jemqorlyqty ulttyq qaýipsizdikke tóngen tikeleı qaterge jatqyzyp memleket pen qoǵam oǵan qarsy kúresetin bir kúsh bolý qajettiligi týraly basa aıtqanyn atap ótti. Depýtat Memleket basshysy Qasym-Jomart Toqaev ta «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan Respýblıkasy Parlamentiniń VI shaqyrylymy besinshi sessııasynyń ashylýyndaǵy Joldaýynda sybaılas jemqorlyqpen jan-jaqty kúresý máselesi kún tártibinen túspegenin aıtty.

Zań jobasynyń negizgi erejeleri týraly Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov baıandady. Aıtýynsha, zań jobasynda túzetýlerdiń úsh blogy qarastyrylǵan. Olar: sybaılas jemqorlyq kórinisterdiń júıelik aldyn-alý boıynsha qosymsha sharalar engizý, olqylyqtar men kollızııalardy joıý, sonymen qatar, Ulttyq bıýrony Sybaılas jemqorlyqqa qarsy is-qımyl agenttigine Memlekettik qyzmet isteri jáne sybaılas jemqorlyqqa qarsy is-qımyl agenttigi fýnksııalarynyń berilýi týraly túzetýler.

Atap aıtqanda:

Memlekettik qyzmetkerlerge quny kez-kelgen syılyq syılaýǵa tyıym salý bekitiledi;

Memlekettik bıýdjetten jáne Ulttyq qordan qarjylandyrylatyn jobalardy irikteý men iske asyrýǵa jaýapty, derbes qurylymdyq bólimsheniń basshysynan tómen emes laýazym atqaratyn kvazımemlekettik sektor sýbektileriniń satyp alýdy uıymdastyrý men ótkizý jónindegi sheshimder qabyldaýǵa ýákiletti qyzmetkerlerin sybaılas jemqorlyq sýbektilerine jatqyzý usynylady;

Memleket basshysy qatysqan sybaılas jemqorlyqqa qarsy is-qımyl máseleleri jónindegi 2019 jylǵy 20 mamyrdaǵy keńeste aıtylǵan jáne birlesip maquldanǵan sybaılas jemqorlyqqa qarsy is-qımyl jónindegi usynystardy iske asyrý maqsatynda, kvazımemlekettik sektor uıymdarynda parasattylyqtyń korporatıvtik standarttaryn saqtaýǵa jaýapty sybaılas jemqorlyqqa qarsy komplaens-qyzmetter ınstıtýty engiziledi;

«Sybaılas jemqorlyqqa qarsy is-qımyl jónindegi ýákiletti organ» uǵymy, sondaı-aq sybaılas jemqorlyqqa qarsy qyzmettiń vedomstvolyq baǵynystylyǵyna qatysty baptar naqtylandy.

Zań jobasymen 3 Kodekske (Azamattyq, Qylmystyq, «Ákimshilik quqyq buzýshylyq týraly»), 7 zańǵa («Ulttyq arhıv qory jáne arhıvter týraly», «Quqyq qorǵaý qyzmeti týraly», «Memlekettik múlik týraly», «Qazaqstan Respýblıkasynyń arnaýly memlekettik organdary týraly», «Áskerı qyzmet jáne áskerı qyzmetshilerdiń mártebesi týraly», «Sybaılas jemqorlyqqa qarsy is-qımyl týraly», «Qazaqstan Respýblıkasynyń memlekettik qyzmeti týraly») ózgerister men tolyqtyrýlar engiziledi. Baıandamadan aıaqtalǵannan keıin Májilis depýtattary O.Bektenovke suraqtar qoıyp, jaýap aldy.

Zań jobasy boıynsha talqylaý odan ári depýtat Janat Jarasov jetekshilik etetin jumys tobynda jalǵasady.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar