Aımaqtar • 06 Aqpan, 2020

Almatyda sybaılas jemqorlyqqa qarsy keńes ótti

32 retkórsetildi

Keńeske memlekettik, quqyq qorǵaý jáne áskerı organdardyń basshylary, sýdıalar korpýsynyń ókilderi, máslıhat depýtattary, joǵary oqý oryndarynyń rektorlary, medısına mekemeleriniń basshylary, mektep pen kolledj dırektorlary qatysty.

Keńesti ashqan Baqytjan Saǵyntaev Memleket basshysy sybaılas jemqorlyqqa qarsy kúresti memlekettik saıasattyń basym baǵyty retinde belgilegenin atap ótti.

Alǵash ret zań deńgeıinde basshylardyń sybaılas jemqorlyqta quqyq buzýshylyqtary úshin derbes jaýapkershilik bekitildi. Sondaı-aq basshynyń ujymda sybaılas jemqorlyqtyń aldyn alý boıynsha óz mindetterin júıeli túrde oryndamaǵany úshin jáne sybaılas jemqorlyqtyń aldyn alý boıynsha sharalar qoldanbaǵany úshin jaýapkershilik engizilgen.

«Bizdiń maqsatymyz — qoǵam, bıznes jáne tutastaı alǵanda adamdardyń ómiri sybaılas jemqorlyqtan ada bolýyna jaǵdaı jasaý» dedi qala ákimi Baqytjan Saǵyntaev.

Qaladaǵy sybaılas jemqorlyqtyń qazirgi ahýaly týraly baıandaǵan Almaty qalalyq jemqorlyqqa qarsy qyzmettiń basshysy Qaırat Súntaev:«Biz burynǵydaı ádildik pen zańdylyqty alǵa qoıyp, árbir sybaılas jemqorlyq faktisine prınsıpti jáne ymyrasyz qaraıtyn bolamyz» dep atap ótti.

Keńes barysynda qala ákimi memlekettik organdardyń basshylaryna sybaılas jemqorlyqqa qarsy is-qımyl salasyndaǵy jumysty kúsheıtýdi, «Almaty — adaldyq alańy» jobasyn jandandyrý jáne halyqqa quqyqtyq kómek kórsetetin «Meıirimdilik akseleratory» qoǵamdyq qozǵalysyn qoldaý boıynsha birqatar tapsyrmalar berdi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar