Atalǵan is-sharaǵa Ázerbaıjan Syrtqy ister mınıstri Elmar Mamedıarov, Qyrǵyzstan Syrtqy ister mınıstri Chıngız Aıdarbekov, Túrkııa Syrtqy ister mınıstri Mevlıýt Chavýshoglý, О́zbekstan Syrtqy ister mınıstri Abdýlazız Kamılov jáne Majarstan Syrtqy jáne saýda mınıstriniń orynbasary Levente Madıar qatysty.
Is-shara kún tártibinde Túrki keńesine múshe emes memleketter jáne uıymdar arasynda yntymaqtastyq ornatý, uıymnyń ataýyn ózgertý, «2040 – túrki keleshegi» baǵdarlamasy jáne kezekti sammıt merzimderi ispettes ózekti máseleler qarastyryldy.
Syrtqy ister mınıstrleri Túrki keńesiniń Qurmetti tóraǵasy týraly erejeni qabyldady. 2019 jylǵy 15 qazanda TMYK 7-shi sammıtinde Tuńǵysh Prezıdent - Elbasy Nursultan Nazarbaev Keńestiń Qurmetti tóraǵasy retinde saılanǵan.
M. Tileýberdi óz baıandamasynda Elbasy N. Nazarbaevtyń byltyr Túrki keńesiniń 7-shi Sammıtinde uıymnyń ataýyn ózgertý jáne «2040 – túrki keleshegi» baǵdarlamasyn daıyndaý týraly bastamalaryna nazar aýdardy.
Túrki keńesiniń Bas hatshysy, qazaqstandyq dıplomat Baǵdad Ámireev óz baıandamasynda halyqaralyq qaýymdastyqtyń Túrki keńesine qyzyǵýshylyǵy arta túskenin habarlady. Osyǵan baılanysty, SIMK barysynda uıymǵa baqylaýshy jáne seriktes mártebesin alý týraly erejeniń qabyldanýynyń mańyzdylyǵy atap ótildi.
Sonymen qatar taraptar Túrki keńesiniń 8-shi Sammıtiniń merzimderi men ótkizý orny boıynsha máselelerdi talqylady.
SIMK sheńberinde Mınıstr M.Tileýberdi Túrkitildes elderdiń Parlamenttik Assambleıasynyń Bas Hatshysy Altynbek Mamaıýsýpovpen ekijaqty kezdesý ótkizdi.
