Qoǵam • 06 Aqpan, 2020

Elordalyqtar aýa sapasyn Opendata.kz portalynan teksere alady

85 retkórsetildi

«Sergek» jobasynyń quramyna Nur-Sultan qalasynda aýa sapasyn ólsheýge arnalǵan 50 ekodatchık kiredi. Bul týraly qala ákiminiń orynbasary Malıka Bekturovanyń óziniń telegram kanalynda málim etti. 


Olar ólsheıtin negizgi kórsetkish – aýadaǵy usaq dıspersti bólshekter sany. Bul shańnyń, tozańnyń, aerozoldardyń, kúıeniń usaq bólshekteri, olar aǵzaǵa ókpeden enip, adam densaýlyǵyna aıtarlyqtaı zııan keltiredi.

«Elordada atalǵan málimetter qala boıynsha tarqaǵan 50 datchıkten jınalady, olar kómirqyshqyl gazynyń temperatýrasyn, ylǵaldylyǵyn jáne ustaý deńgeıin belgileıdi. Olar aýanyń jaı-kúıin qadaǵalaýǵa jáne lastaný kózderin aımaqtarǵa bólýge múmkindik beredi», dep jazdy Malıka Bekturova. Datchıkterden kórsetkishter mınýtyna birneshe ret túsetinin aıta ketken jón. Elordalyqtar aýa sapasyn www.opendata.kz saıtynan kóre alady.

Sondaı-aq jaqyn arada bul aqparat qala turǵyndary úshin Smart Astana qosymshasynda qoljetimdi bolady.


Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar