Qoǵam • 07 Aqpan, 2020

Aq eshki súti ana sútimen para-par

56 retkórsetildi

Túrkistandaǵy Á.Qarabaev kóshesindegi 63-úıde turatyn Omar Musabekovtiń turmysy tómen otbasyna qala ákimdigi «Meniń kásibim» jobasy aıasynda Zanın dep atalatyn shveısarııalyq asyl tuqymdy eki eshki berdi.

Qala ákiminiń orynbasary Tájibek Musaevtyń aıtýynsha, ákimdik buǵan deıin ótinish bergen 16 otbasyna qol­da­rynan keletin kásibin ashýǵa jár­dem­desken eken. Olardyń birazyna óndiristik, qurylysqa qajetti qural­dar, jemshóp qospalaryn shyǵara­tyn shaǵyn seh ashýǵa múmkindik jasa­ǵan. Respýblıka boıynsha Aıjanı Adaı­qy­zynyń bastamasymen júzege asyp jatqan «Meniń kásibim» jobasyna qala turǵyndary rızalyǵyn bildirip otyr.

Otanasy Qurbankúl Abdýllaevanyń úıinde buǵan deıin eki eshki bar eken. Táýligine úsh lıtr sút beretin asyl tuqymdy eshki asyraý qalalyqtarǵa qolaıly bolyp otyr. Jemshóbi sı­yr­­dan arzanǵa túskenimen qoımaı, kóp­tegen aýrýǵa em eshki sútin kórshi-kólemge satyp tabys tabady eken. Bes balasy bar otbasynyń ıesi de ju­mys­syz. Oǵan qala ákiminiń orynbasary «Jasyl aımaq» baǵdarlamasy boıyn­sha jumys taýyp berýge ýáde etti.

Aıta keterligi eshki súti súıek syr­qy­raǵanda, býyn aýyrǵanda shıpa. Bú­ginde ǵalymdar eshki sútiniń emdik jáne aýrýlardyń aldyn alýda, ásirese, qanazdyqqa, taǵamdyq allergııada, týberkýlezde, asqazan, ishek-qaryn joldary aýrýlarynda, dıabette, dıatezde, aǵzanyń qorǵanys qyzmetin arttyrýda, aǵzadan aýyr metaldardyń tuzdary men radıonýklıdterdi shyǵarýda jáne kózdiń nashar kórýinde paıdaly degen qorytyndy jasady. Eshki sútinde kalsıı, magnıı, fosfor, marganes, mys, A, V1, S jáne D dárýmenderi, askorbın qyshqyly bar. Sıyr sú­ti­ne qaraǵanda eshki sútinde V12 dárý­meni­niń quramyna kiretin kobalt mólsheri 6 ese kóp, al kalııdiń joǵary mólsheri júrek-qantamyr júıesiniń qyzmetine oń­taıly áser etedi. Sıyr sútindegi te­mirge qaraǵanda eshki sútiniń temiri jaq­sy sińedi.

Ǵalymdar eshki sútiniń ásirese qan­az­­dyqtyń aldyn alýda asa mańyzdy ekenin aıtady. Túrkistandaǵy kóp balaly analardyń deni qanazdyqtan zardap shegedi. Balalardy qorektendirýde sıyr sútine qaraǵanda aq eshki súti paıdalyraq keletinin de aıta ketý kerek. Árıne, bala úshin ana sútine jetetin taǵam joq, biraq jasandy nemese aralas qorektendirýde aq  eshki súti ana sútin almastyra alady, ony 6 aıdan asqan balalarǵa qosymsha qorek retinde paıdalanýǵa bolady.

 

Eskendir ERTAI

 

Túrkistan oblysy

 

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Áskerı jıynǵa kimder barmaıdy?

Qazaqstan • Búgin, 11:36

Uqsas jańalyqtar