Ekologııa • 07 Aqpan, 2020

Mańǵystaýlyq táýelsiz ekolog Qazaqstandaǵy aıqyndalǵan ekologııa ambassadorlarynyń biri boldy

55 retkórsetildi

Nur-Sultan shaharynda Ekologııa, geologııa jəne tabıǵı resýrstar mınıstri Maǵzum Myrzaǵalıevtyń tóraǵalyǵymen respýblıkamyzdyń túpkir-túpkirinen kelgen qoǵam belsendileri, volonterler, memlekettik qurylymdar men halyqaralyq uıym ókilderiniń birinshi respýblıkalyq eko-sleti ótkizildi.

Basqosýda qoqystardy suryptaý, qatty-turmystyq qaldyqtardy tutynýdy jəne olardyń paıda bolýyn azaıtý, ekologııalyq sana men tárbıeniń mańyzy, janýarlar men ósimdikter dúnıesin saqtaý, ekologııalyq zańdy buzýshylarmen bitispes kúres sekildi mańyzdy máseleler sóz boldy.

Atalǵan sharaǵa Mańǵystaý óńirinen bıolog ári táýelsiz ekolog, «Tabıǵı orta» Batys Qazaqstan boıynsha ÚEU aımaqtyq qaýymdastyǵy keńesiniń tóraǵasy, «Qazaqstan bıoalýantúrlilikti saqtaý assosıasııasy» RQB Mańǵystaý fılıalynyń jetekshisi, Ortalyq Azııa bastamasynyń aımaqtyq úılestirý komıtetiniń múshesi Ádilbek Qozybaqov qatysqan bolatyn.

Onyń aıtýynsha, halyqtyń ekologııalyq sanasyn ózgertýdegi qoǵamnyń róline kóbirek kóńil bólinbek. Búginde adam balasynyń tabıǵatpen ara qatynasy, bizdiń kúndelikti tirshiligimizdiń qorshaǵan ortaǵa áseri erekshe ekendigin árbir azamat sezinýi tıis.

- Rasynda, ekologııalyq sana ózgermeı, tabıǵatty qurdymǵa jiberip alý op-ońaı. Bul problema tek memlekettiń múddesi bolýy tıis, qarapaıym turǵyndar buǵan bas aýyrtýǵa mindetti emes degen pikirden arylý qajet. Qorshaǵan ortany qorlaý emes, qorǵaýdy úırenýimiz kerek. Bir Mańǵystaýdyń ózinde ekologııalyq máseleler jetip artylady. Al ekologııalyq ahýaldy jaqsartýǵa árbir adam óziniń úlesin qossa, qasıetti Mańǵystaý eń taza ári qaýipsiz óńirge aınalary sózsiz, - deıdi ol.

Sonymen qatar belgili bolǵandaı, alda ótetin eko-belsendileriniń sleti óńirlerdegi birlesken ekologııalyq jobalardyń bastalýyna serpin bermek. Osy maqsatta elimizdiń árbir óńirinen ekologııalyq bastamalardyń júzege asyrylýyn qadaǵalap otyratyn ambassadorlardy belgilendi.

Sondaı-aq Prezıdent Qasym-Jomart Toqaev jarııalaǵan «Volonterler jyly» mınıstrliktiń «Birgemiz: Taza Álem» atty jalpyulttyq jobasyn iske asyrý josparda bar. Onyń aıasynda ekologııa salasyndaǵy volonterlerdiń derekter bazasy jasalady jáne  «Taza Alem» atty 3 volonterlerdi ádistemelik qoldaý ortalyǵy qurylmaq.

Nur-Sultanda ótken kezdesý nətıjesinde jol kartasy qurylyp, oǵan belsendilerdiń barlyq bastamalary men usynystary engizilmek. Bul bastamalar jyl ishinde oryndalmaq.

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar