Álem • 07 Aqpan, 2020

Alǵash koronavırýs týraly eskertken dáriger qaıtys boldy

166 retkórsetildi

Koronavırýstyń órshýi týraly aldyn ala eskertý jasaǵan qytaılyq dáriger qaıtys boldy. Bul týraly BBC habarlady.

Alǵashynda bul dáriger jalǵan aqparat taratty dep aıyptalǵan edi. Ol ótken jyldyń 30 jeltoqsanynda áriptesterine teńiz ónimderin satatyn bazarda jeti birdeı oqıǵa tirkelgenin aıtqan. Aýrýdyń belgileri SARS koronavırýsyna uqsas dep jetkizgen. Keıin dárigerdiń jazbasy jelige tarap ketken. Osydan soń qalalyq densaýlyq saqtaý basqarmasynyń sheneýnikteri ony shaqyryp, aqparatty jalǵan dep moıyndatqan. Sóıtip dárigerge qaýeset taratty degen aıyp taǵylǵan.

Qańtar aıynyń sońynda Lı Venlıan Weibo jelisinde óziniń vırýs juqtyrǵanyn málimdeıdi. Osydan soń bılik ókilderi odan keshirim suraıdy. Alaıda dáriger indetten aıyqqan joq. Beısenbide jergilikti BAQ onyń qaıtys bolǵanyn habarlady.

Qytaılyq Pear Video saıtynyń habarlaýynsha, Doktor Lıdiń áıeli maýsym aıynda bosanýy kerek.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar