Aımaqtar • 07 Aqpan, 2020

Ekologııalyq sanany ózgertýge baǵyttalǵan

24 retkórsetildi

Ádilbek Qozybaqov Nur-Sultan shaharynda Ekologııa, geologııa jəne tabıǵı resýrstar mınıstri Maǵzum Myrzaǵalıevtyń tóraǵalyǵymen ótken respýblıkalyq birinshi eko-sletke qatysqany týraly aıtyp berdi. Oǵan elimizdiń túpkir-túpkirinen kelgen qoǵam belsendileri, volonterler, memlekettik qurylymdar men halyqaralyq uıym ókilderi qatysqan bolatyn. Bul týraly Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń baspasóz qyzmeti habarlady.

Aıta ketý kerek, halyqtyń ekologııalyq sanasyn ózgertýde azamattyq bastamalar men volonterlerdiń rólin arttyrýǵa baǵyttalǵan.

О́z kezeginde basqarma basshysy Dúısen Qusbekov aımaqta tabıǵı ortany jaqsartý baǵytynda birqatar oń ózgeristerdiń baryn, sonymen birge kemshilikterdiń de joq emestigin tilge tıek etti. Atap aıtqanda qatty-turmystyq qaldyqtar, polıoondardy ekologııalyq jáne sanıtarlyq talaptarǵa sáıkestendirý, janýarlar álemi jáne ósimdikter dúnıesin saqtaý salalary. Sonymen birge turǵyndardyń ekologııalyq mádenıetin kóterý jáne volonterlerdiń qorshaǵan ortany qorǵaýǵa sharalaryna keńinen tartý qajetti de aıtyldy.

Eko-ambassador Ádilbek Qozybaqov, óńirdegi birlesken ekologııalyq jobalardyń júzege asyrylýyna serpin berýge, ekologııalyq belsendi azamattar, ǵalymdar jáne úkimettik emes uıymdardyń memlekettik organdarmen, ásirese ekologııa salasyndaǵy bastamalar únemi kóńil bólip otyrýǵa jáne ekologııalyq ahýaldy jaqsartýǵa baǵyttalǵan barlyq sharalardyń basy-qasynda júrýge daıyn ekendigin jetkizdi.

Dúısen Qusbekov eko-ambassador Ádilbek Qozybaqovqa aldaǵy jumystaryna sáttilik tileı otyryp, qashanda qoıan-qoltyq jumys jasaýǵa daıyn ekenin aıtty.

Á.Qozybaqov – tabıǵatqa janashyr azamat jáne úkimettik emes uıymynyń ókili retinde óziniń ekologııalyq belsendiligin 2003 jyldan beri bildirip júr. Alǵash ret «Mańǵystaý ekologııalyq bastamasy» qoǵamdyq birlestigin basqarǵan bolatyn. 2004 jáne 2012 jyldar aralyǵynda «Mańǵystaý tabıǵaty» qoǵamdyq uıymynyń tóraǵasy boldy. 2012 men 2016 jyldar aralyǵynda «Qoldaý-Ekologııa» mamandandyrylǵan ortalyǵyna jetekshilik etti. 2016 jyldan Qazaqstan bıoalýantúrlilikti saqtaý assosıasııasy Mańǵystaý fılıalynyń jetekshisi.

Orman sharýashylyǵy jáne janýarlar dúnıesi aımaqtyq ınspeksııasy, oblystyq tabıǵı resýrstar jáne tabıǵat paıdalanýdy retteý basqarmasy, «Qyzylsaı tabıǵı parki» MKK, oblystyq ekologııa departamenti jáne Ústirt memlekettik tabıǵı qoryǵy sııaqty memlekettik organdarmen tyǵyz qarym-qatynasta jumys jasap keledi.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar