Aımaqtar • 07 Aqpan, 2020

Qaraqııada «Agrobıznes-2020» baǵdarlamasy aıasynda 58 qudyq qazylǵan

27 retkórsetildi

Mańǵystaý oblysynyń ákimi S.Trumov Qaraqııa aýdany ákiminiń halyq aldyndaǵy esep berý jıynyna qatysty. Aldymen aýdan ákimi Qydyrberdi Bekov óziniń jyldyq jumysyn baıandap, aýdanda atqarylyp jatqan naqty ister men alǵa qoıǵan mindetterge toqtaldy. Bul týraly Mańǵystaý oblysy ákiminiń baspasóz qyzmeti habarlady.

Qaraqııa - óńirdegi qarqyndy damyp kele jatqan aýdandar qatarynda. О́tken jyl qaraqııalyqtar úshin nátıjeli boldy. Ásirese, aýyl sharýashylyǵy keń etek jaıǵan. Bul salaǵa tartylǵan ınvestısııa kólemi 2018 jylmen salystyrǵanda birneshe esege artqan. «Aldaǵy jyly fermerlik jylyjaılar kólemin 1,5 gektarǵa arttyrýdy josparlap otyrmyz», - dedi ákim óz sózinde.

«Agrarlyq nesıe korporasııasy» boıynsha da oń ózgerister baıqalady. 3 joba iske asyp, nátıjesinde sharýa qojalyqtary 70 bas botaly túıe, 78 bas jylqy, 30 botaly túıe satyp alǵan. Jaıylymdy sýlandyrý maqsatynda «Agrobıznes-2020» baǵdarlamasy aıasynda 206,2 mln  teńgege 58 qudyq qazdyrylyp, qojalyq ıeleri 155,3 mln teńgege 80 paıyzdyq sýbsıdııa jeńildigin paıdalandy. Suranysqa saı jańa ǵımarattar boı kóterip, áleýmettik nysandar kúrdeli jóndeýden ótti.

Eldi-mekenderge aýyz sý tartylyp, bilim mekemeleri keńjolaqty ınternetpen 100% qamtyldy. Aýdandyq qazynaǵa 13,5 mlrd teńge túsip, kirister 101,1% oryndaldy. Bıyl aýdan halqynyń sany 38100 adamǵa jetip, 1,3% kóbeıdi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar