О́ńdeý ónerkásibine «Bıznestiń jol kartasy – 2020» baǵdarlamasy aıasynda 100 mln teńge jáne 24 mln teńge kóleminde ınvestısııalyq sýbsıdııa retinde qoldaý kórsetilgen. Turaqty jumyspen 80 adam qamtylǵan zaýytta túrik tehnologııasymen irimshiktiń 9 túri shyǵarylady.
Saıram aýdanyna jumys saparymen kelgen oblys ákimi О́mirzaq Shókeev zaýyttyń ashylý saltanatyna qatysyp, oblystyq mańyzy bar KH-97 «Aqsý – Shymkent» jáne KH-3 «Kóksáıek – Aqsý – Shaıan – Myńbulaq» avtomobıl joldarynyń qaıta qurý, kúrdeli jóndeý jumystarymen tanysty. Aýdan ortalyǵy Aqsýkent eldi mekenin retke keltirý jumystaryn baǵamdady.
Aýdan ákimi Ulasbek Sádibekovpen birge «Qamqorlyq» aımaqtyq baǵdarlamasy aıasynda kómek alǵan Qarasý aýyldyq okrýgi turǵynynyń shańyraǵynda bolyp, búgingi turmys-tirshiligin kórdi. Sondaı-aq sapar barysynda oblys ákimi Aqsýkent aýyldyq okrýgindegi aýysymyna 500 adam qabyldaıtyn aýdandyq emhana men jedel járdem stansııasynyń qurylys jumystarymen tanysty. Emdeý mekemesi jaqyn kúnderi paıdalanýǵa beriledi.
