Қазақстан • 07 Ақпан, 2020

OneWeb спутниктері бар «Союз 2.1б» зымыран тасығышы сәтті ұшырылды

81 рет көрсетілді

Бүгін Нұр-Сұлтан қаласының уақыты бойынша сағат 03:42-де Байқоңыр ғарыш айлағының «Союз» ЗТ старттық кешеніндегі 31-ші алаңнан  OneWeb ғарыш аппараттары «Союз 2.1б» зымыран тасығышымен  сәтті ұшырылды. Бұл туралы Цифрлық даму, инновациялар және аэроғарыш өнеркәсібі министрлігінің баспасөз қызметі хабарлады.

«Біз бұл ұшырылымды «Қазақстандық старт. Ғарыш бәріне ортақ» деп атадық және біздің Қазақстанмен, Орталық Азиядағы ірі қаржы хабымен ынтымақтастығымызға арналады», - деп жазды OneWeb компаниясының басшысы Адриан Штекель компанияның twitter-дегі ресми аккаунтында. 

Цифрлық даму, инновациялар және аэроғарыш өнеркәсібі вице-министрі Азамат Батырқожаның пікірінше, бұл ұшырылым қазақстандық компаниялар мен OneWeb арасындағы ұзақ мерзімді және өзара тиімді ынтымақтастықтың бастауы болмақ.

- Қазақстан OneWeb компаниясымен ынтымақтастық мәселелерін белсенді түрде пысықтауда. Атап айтқанда, біздің құрастыру-сынау кешенінде OneWeb спутниктеріне арналған компоненттер жасау, сондай - ақ OneWeb топтарына жерде қолдау көрсету үшін біздің ғарыштық байланыс орталығының қуатын пайдалану мәселесі тұр,- деп атап өтті вице-министр.

One Web ғарыш аппараттары Жер бетін толық қамту есебінен Интернетке кең жолақты қолжетімдікті қамтамасыз етуге арналған. Әр аппараттың салмағы 150 кг-ға жуық, екі күн батареясымен жабдықталған, қызмет мерзімі-5 жыл. 34 ғарыш аппараты «Байқоңыр» ғарыш айлағына 2019 жылғы 17 желтоқсанда (6 бірлік) және 2020 жылғы 17 қаңтарда (28 бірлік) жеткізілгенін естеріңізге салып өтеміз.

Зымыран-тасығыштан бөлінетін бөліктерді қабылдауаймағындағы қауіпсіздікті бақылауды және экологиялық мониторингті «Бәйтерек«БК» және «Ғарыш-Экология» ҰЗО» қызметкерлері қамтамасыз етті. Атап айтқанда, сарапшылар қабылдау аймағында, сондай-ақ ауданға іргелес жатқан аумақтардағы ауылдарда ұшырылымға дейін және одан кейін зертханалық зерттеулер үшін сынамалар (атмосфералық ауа, қар/топырақ, ауыз су) алды.

Соңғы жаңалықтар

Келер жылы тариф көтерілмейді

Экономика • Бүгін, 08:19

Комиссия отырысын өткізді

Саясат • Бүгін, 08:04

Жасанды интеллект жәрдемі

Технология • Бүгін, 07:58

Аң-құсқа да қамқорлық қажет

Оқиға • Бүгін, 07:55

Жаңа аудандағы жасампаз іс

Аймақтар • Бүгін, 07:53

Ауылдағы сервистік әкімдік

Аймақтар • Бүгін, 07:48

Әлемді қызғылт сары етейік

Қоғам • Бүгін, 07:37

Елбасы және Қазақстан ғылымы

Елбасы • Бүгін, 07:27

Мұғалім жасаған сабын

Ғылым • Бүгін, 07:09

СКА-ға есе жіберді

Хоккей • Бүгін, 07:09

Абайдың 180 өлеңін жатқа айтады

Аймақтар • Бүгін, 07:08

Ұқсас жаңалықтар