Aımaqtar • 08 Aqpan, 2020

Mańǵystaýda sý, jylý men elektr energııasyna tarıfter ózgerissiz qaldy

35 retkórsetildi

Bul týraly qoǵamdyq kommýnıkasııa ortalyǵynda kommýnaldyq qyzmetterdegi tarıfterdiń ózgerisi taldanǵan brıfıngte aıtyldy dep habarlaıdy Mańǵystaý oblystyq QKO baspasóz qyzmeti.

BAQ ókilderi shaqyrylǵan sharaǵa UEM Tabıǵı monopolııalardy retteý komıtetiniń Mańǵystaý oblystyq departamenti, óńirlik Energetıka jáne turǵyn úı-kommýnaldyq sharýashylyq basqarmasynyń laýazymdy tulǵalary men Aqtaý qalasy ákiminiń orynbasary Serik Gýsman qatysty.

Elimizde Memleket basshysynyń tarıf qurýda ashyqtyqty qamtamasyz etýge jáne tabıǵı monopolısterdiń taýarlary men qyzmetterine baǵalar men tarıftiń kóterilýine qarsy kúresti kúsheıtýge baǵyttalǵan tapsyrmalaryn oryndaý jónindegi Jol kartasy qurylǵany málim.

- Bul kartada 2020 jyldyń 1 qańtarynan bastap kommýnaldyq qyzmetterge tarıfterdiń ózgerýine baılanysty turǵyndar arasynda túsiniktemelik jumystar júrgizý» dep jazylǵan 30-shy tarmaǵyn oryndaý úshin brıfıng formatynda túsiniktemelik jumystar júrgizý tapsyrylǵan. Búgingi jıyn osy tapsyrmanyń negizinde uıymdastyrylyp otyr, - dedi UEM Tabıǵı monopolııalardy retteý komıtetiniń Mańǵystaý oblysy boıynsha departamenti basshysynyń mindetin atqarýshy Kenjebolat Kóshekbaev.

Sonymen, búgingi tańda Mańǵystaý oblysynda kommýnaldyq qyzmetterge tarıfter burynǵy qalpynda qaldy.

Esińizge sala keteıik, ótken jyldyń jeltoqsanynda «AllianceEnergoSnab-Aktaý» seriktestiginiń óńirlik fılıalynan Aqtaý men Munaıly aýdandarynda  elektr energııasynyń tarıfin kóterý týraly ótinish túsken edi. Alaıda, búgingi tańda tarıfter ózgergen joq.

- Elektr energııasymen qamtamasyz etý baǵasynyń ósýine negizdeme 613 myń 413 teńge megavatt 30,4%, 799 myń 869 teńge megavatt qurady. Degenmen, bul habarlamany elimizdiń Ulttyq ekonomıka mınıstrligi Tabıǵı monopolııalardy retteý komıtetiniń Mańǵystaý oblysy boıynsha departamentine usynýǵa negiz boldy, - deıdi Mańǵystaý oblysynyń Energetıka jáne turǵyn úı-kommýnaldyq sharýashylyq basqarmasy basshysynyń orynbasary Nurlan Orynbasarov.

Elektrmen jabdyqtaý qyzmetine kásiporynnyń jobalyq baǵasyna jeke-dara toqtalyp ótsek: Aqtaý qalasy úshin ortasha tarıf - bir kVt/saǵ úshin 18,71 teńge (QQS-syz); sonyń ishinde turǵyn úılerdegi tutynýshylary úshin toktyń bir kVt/saǵ 16,75 teńge (QQS-syz) qurap otyr.

Al Munaıly aýdanyna kelsek, turǵyn úı tutynýshylary úshin energııa bir kVt/saǵ 15,15 teńge (QQS-syz), bıýdjettik uıymdarǵa bir kVt/saǵ 28,79 teńge (QQS-syz), bıýdjettik mekemelerge 28,79 teńgeden (QQS-syz) beriledi.

Osy rette aıta ketý kerek, byltyr jeltoqsanda retteletin jylý jáne sýmen jabdyqtaý qyzmetterine tarıfter «Maek-Qazatomónerkásip» seriktestigi jáne «О́zen Jylý» mekemesi úshin bekitildi.

Máselen, «Maek-Qazatomónerkásip» seriktestigi jalpy úıdi esepke alý aspaptaryn ornatýdyń tehnıkalyq múmkindigi joq jerde, apattyq jaǵdaıdaǵy kazarmalarda turatyn jáne turatyn tutynýshylar úshin jylýdyń ortasha tarıfin 2392,37 tonna/gkal bekitti.

Osyǵan sáıkes zańdy klıentter úshin ortasha tarıf 4192,8, bıýdjettik uıymdar úshin 4349,82 bolyp kórsetildi.

Al isher sýmen jabdyqtaý boıynsha ortasha tarıf 257,72 teńge/m3 qurap otyr. Onyń ishinde turǵyndar úshin 199,88 teńge/m3, zańdy tutynýshylar úshin 306,5 teńge/m3, bıýdjettik uıymdar úshin 311,62 teńge/m3.

О́nerkásiptik sýmen jabdyqtaýdaǵy ortasha tarıf 118,98teńge/m dep belgilengen. Turǵyndar úshin 93,66 teńge/m3, zańdy tutynýshylar úshin 151,09 teńge/m3, bıýdjettik uıymdar úshin 153,71 teńge/m3 quraıdy.

Ystyq sýmen jabdyqtaýda ortasha tarıf 196,52 teńge/m3. Turǵyndar úshin 180,14 teńge/m3, zańdy tutynýshylar úshin 238,25 teńge/m3, bıýdjettik uıymdar úshin 243,6 teńge/m3 dep kórsetildi.

«О́zen jylý» mekemesiniń tarıfterne kelsek: jylý energııasyn óndirý jáne berý týraly ortasha tarıf 2639,77. Sonyń ishinde turǵyndarǵa 2529,85, bıýdjettik uıymdarǵa 2766,71, taǵy basqalary úshin 2666.02 dep bekitilgen.

 

 

Mańǵystaý oblysy

                          

 

 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar