Prezıdent • 08 Aqpan, 2020

Memleket basshysy Jambyl oblysyndaǵy jaǵdaıǵa baılanysty málimdeme jasady

659 retkórsetildi

Qazaqstan Prezıdenti Qasym-Jomart Toqaev Jambyl oblysyndaǵy jaǵdaıǵa baılanysty málimdeme jasady. Bul týraly Aqordanyń baspasóz qyzmeti habarlady.

Qurmetti qazaqstandyqtar!

Búgin túnde Jambyl oblysy Qordaı aýdanynda jergilikti tur­ǵyn­dar arasynda jappaı tóbeles, janjal boldy.

Bul ahýaldy arandatýshylar óz maqsatyna paıdalandy. О́kinishke qaraı, bul oqıǵa kezinde adam shyǵyny boldy.

Men qaza bolǵan azamat­tar­dyń otbasylaryna kóńil aıtamyn. Zar­dap shekkenderdiń tezirek saýy­ǵyp ketýine tilek­tespin.

Qazir polısııa men Ulttyq ulan bul jaǵdaıdy baqylaýǵa aldy.

Osyǵan oraı, men Úkimet komıs­sııasyn qurýdy tapsyrdym.

Oǵan Premer-Mınıstrdiń orynbasary Berdibek Máshbekuly Saparbaev tóraǵalyq etedi.

Úkimet komıssııasy bolǵan oqı­ǵanyń sebebin anyqtaıdy.

Jambyl oblysy ákimimen birlesip, qaza bolǵan­dardy jerleý, zardap shekkenderge kómektesý jumystaryn uıymdastyrady.

Sondaı-aq jaǵdaıdy turaq­tandyrýmen aınalysady.

Qoǵamdyq tártipti buzǵandar anyq­talyp, qatań jaýapqa tartylatyn bolady.

Bas prokýratýraǵa, Ulttyq qaýip­sizdik komı­tetine tıisti tapsyrma berdim.

Memleketimizdiń múddesine zııan keltiretin, bereke-birligimizdi buzatyn jáne jalǵan aqparat taratqan azamattar zań aldynda jaýap beredi.

Memlekettik organdarǵa osy aýyr kıkil­jińniń saldaryn joıý boıynsha shuǵyl sharalar qabyldaý qajet.

Osyǵan baılanysty mynalardy tapsyramyn:

Birinshi, Premer-Mınıstrdiń oryn­basary Berdibek Máshbekuly Sapar­baevtyń tóraǵalyǵymen Qordaı aýda­nyndaǵy oqıǵalardyń saldaryn joıý boıynsha Úkimettik komıssııa qurý.

Aldymen janjaldyń negizgi sebep­terin anyqtaý kerek. 

Áleýmettik-ekonomıkalyq já­ne gýmanıtarlyq sıpattaǵy má­selelerdi jedel sheshýdi qamta­masyz etý qajet.

Úkimettik komıssııa Jambyl oblysynyń ákimimen birlesip qaza tapqandardy jerleýdi uıymdastyrýy, shyǵynnyń kólemin anyqtap, zardap shekkenderdiń menshigin qalpyna keltirý josparyn qabyldaýy tıis.

Barlyq qaza tapqandar men jara­lanǵandar­dyń otbasyna qajetti kómek kórsetý kerek.

Qazir turǵyndardy tynyshtan­dyrý mańyz­dy. Bul jumysqa bedeldi adamdar, sondaı-aq Qazaq­stan halqy Assambleıasy tartylsyn.

Ekinshi. Bas prokýrorǵa Qordaı aýdanyn­daǵy oqıǵalardy tekserýdi erekshe baqylaýǵa alý jáne bul úshin vedomstvoaralyq jedel-tergeý tobyn qurý qajet.

Kináliler qatań jazalanýy tıis.

Úshinshi. Ulttyq qaýipsizdik ko­mıteti, Bas pro­­­kýratýra qajet­ti tergeý is-shar­alaryn júr­gizip, ult­ara­lyq arazdyqqa shaqyr­ǵan­­dardy, aran­da­tý­­shy­lyq qaýeset­ter men jalǵan aq­parattar tarat­qan­dardy jaýapker­shilikke tartýlary tıis.

 Qadirli otandastar!

Beıbitshilik pen qoǵamdyq kelisim – bizdiń memleketimizdiń berik negizi.

Halqymyz qıyn-qystaý zamandarda óziniń birtutastyǵyn saqtap qalǵan.

Son­dyqtan biz keıbir azamat­tarǵa, sonyń ishinde arandatý­shy­larǵa elimizdiń basty qundy­lyǵyn – yntymaq-birligimizdi buzýǵa jol bermeımiz.

Bul elimizdegi barsha azamatqa ortaq tilek dep sanaımyn.

Azamattardy jalǵan qaýeset­terge boı aldyr­maýǵa, qoǵamdyq qaýip­siz­dik­ti qamta­masyz etý jumy­syn­da quqyq qorǵaý organdaryna kómek berýge shaqyramyn.

Memlekettik organdar týyn­daǵan másele­lerdi sheshý úshin barlyq qajetti sharany qabyldaıdy.

Sońǵy jańalyqtar

Tasqynnyń búgingi ahýaly

Aımaqtar • Búgin, 15:42

Salehardtan kelgen sıklon

Aımaqtar • Búgin, 15:30

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Uqsas jańalyqtar