Aımaqtar • 08 Aqpan, 2020

Almaty áýejaıynda eriktiler koronavırýstyń aldyn alý úshin jadynamalar taratty

145 retkórsetildi

Almaty áýejaıynda eriktiler koronavırýstyń aldyn alý úshin 3 myńnan astam jadynama taratty. Bul týraly qala ákimdiginiń baspasóz ortalyǵynda ótken baspasóz maslıhatynda qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova málimdedi.

Búginde Almaty qalasynyń áýejaıynda koronavırýstyq ınfeksııanyń taralýynyń aldyn alý jónindegi О́ńirlik shtabtyń sheshimimen mamandar halyqaralyq reıstermen keletin azamattarǵa táýlik boıy epıdemıologııalyq baqylaý júrgizip keledi.

Maqsaty – koronavırýstyq ınfeksııaǵa kúdikti adamdardy jedel anyqtaý, sondaı-aq, qalaǵa kelgen barlyq jolaýshylarǵa ınkýbasııalyq kezeńde medısınalyq baqylaý ornatý. Ol úshin jolaýshylar ushaqtyń bortynda baılanys derekteri kórsetilgen karantındik deklorasııany toltyrady. Budan keıin shekaralyq baqylaýda qalalyq Taýarlar men qyzmetterdiń sapasy men qaýipsizdigin baqylaý departamenti mamandarynyń kómegimen teplovızor baqylaýynan ótip, dene temperatýrasynyń kórsetkishin kórsetedi.
«Almaty qalasynyń áýejaıyna 250 áýe reısteri keldi. 29 naýqas anyqtalyp, juqpaly aýrýlar emhanasyna jatqyzyldy. 24-i emdelip shyqty. Koronavırýstyq ınfeksııa tirkelgen joq», – dep málimdedi A. Moldaǵasymova.
Sondaı-aq, áýejaı aýmaǵyndaǵy qoǵamdyq tamaqtaný, saýda jáne qyzmet kórsetý nysandarynda epıdemııaǵa qarsy rejımniń saqtalýy, medısınalyq betperdelerdiń jáne zalalsyzdandyrý quraldarynyń bolýy jáne onyń qoldanylýy baqylaýǵa alyndy.

«Betperde kııý tártibiniń buzylýy anyqtalyp, 15 kásipkerge eskertý hattary berildi. Áýereıs jolaýshylaryna jadynama taratý baqylaýǵa alyndy. Sondaı-aq koronavırýstyq ınfeksııa týraly jáne oǵan qarsy saqtyq sharalardyń mekeme ishindegi teledıdar arqyly beınejazbalar men mátinderdiń úzdiksiz kórsetilýi baqylaýǵa alyndy.

Búgingi tańda Almaty qalasy áýejaıynyń ushý zalynda jolaýshylarǵa 3220 jadynama taratyldy. Ár 15-20 mınýt saıyn telearnalar men radıo arqyly saqtyq sharalary translıasııasy berilýde», –dedi A. Moldaǵasymova.
Aıta ketý kerek, eriktiler uıymdary da qoldaý bildirip, ınfeksııanyń aldyn-alý is-sharalaryn júzege asyrýda belsendilik tanytty. Aqparattyq jadynama paraqtaryn taratty.

«Áýejaıdyń ushý zalynda eriktilerdiń kómegimen 3 myńnan astam jadynama taratyldy», – dedi Almaty qalasy Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova.

7 aqpandaǵy jaǵdaı boıynsha álemde 30840 koronavırýs jaǵdaıy tirkelgen. Onyń 633-i ólimge (2,1%) dýshar boldy. Negizinen QHR-da tirkelgeni 30569 jaǵdaı (99,1%). Infeksııa taralýynyń birli-jarym jaǵdaılary álemniń 27 elinde kezdesedi.

Infeksııanyń kóbirek taraǵan jerleri – Japonııa (45 oqıǵa), Sıngapýr (30 oqıǵa), Taıland (25 oqıǵa), Gonkong (24 oqıǵa) jáne Ońtústik Koreıa (23 oqıǵa).

 

 

ALMATY

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar