О́ńirlik shtabtyń taratqan málimeti boıynsha, Almatynyń medısınalyq uıymdary koronavırýstyq ınfeksııany ákelý jáne taratý boıynsha epıdemııaǵa qarsy eskertý men aldyn alý is-sharalaryna tolyq daıyndaldy. Qalanyń medısınalyq uıymdary JRVI, tumaýdyń aldyn alý boıynsha is-sharalaryn jalǵastyryp otyr.
Atap aıtqanda, emhanalarda kún saıyn tańǵy saǵat 08.00-den keshki 20.00-ge deıin, al demalys kúnderi tańǵy 09.00-dan 18.00-ge deıin vırýstyq respıratorlyq aýrýlar, tumaý, aýyr respıratorlyq ınfeksııalar belgisimen klınıkalyq medısınalyq kómekke júginetin emdelýshilerdi tekseretin fıltrli posttar bar.
Tegin medısınalyq kómektiń kepildik kólemi boıynsha jumys isteıtin qalalyq jekemenshik emhanalarda, JRVI jáne tumaýǵa uqsas aýrýlar, aýyr respıratorlyq ınfeksııa belgilerimen medısınalyq kómekke júgingen emdelýshilerge, qan men jaǵyndy taldaýyn qamtamasyz etetin jaǵdaılar jasalǵan. Taldaýlar qosymsha zerttelýge ortalyq referans-zerthanasyna jáne ǵylymı saraptama ortalyǵyna jiberiledi.
«Koronavırýs sımptomy anyqtalǵan jaǵdaıda emdelýshi belgilengen keste boıynsha mamandandyrylǵan stasıonarǵa tasymaldanady. Ol týraly dereý habarlanyp, tolyqtaı oqshaýlanady. Medısınalyq uıymdarda dári-dármekterdiń, jabdyqtardyń barlyq qajetti qory, zalalsyzdandyrý quraldarynyń bakterııaǵa qarsy jáne vırýsqa qarsy preparattardyń qory jetkilikti», – dedi Tileýhan Ábildaev.
Sondaı-aq, Qoǵamdyq densaýlyq saqtaý basqarmasymen bıylǵy 4 aqpannan beri bakterııalyq tehnıkalyq jabdyqtaý jáne dári-dármekpen qamtamasyz etý kabınetteriniń súzgi jaǵdaıyn tekserý úshin alǵashqy medısınalyq-sanıtarlyq kómek kórsetetin barlyq medısınalyq uıymdarǵa kúndelikti monıtorıng júrgizý bastaldy.
Jalpy qalanyń juqpaly stasıonarlarynda QHR-dan kelgen 51 adam tekserildi. Bıylǵy 7 aqpanda stasıonarlarda JRVI jáne tumaý dıagnozymen 5 emdelýshi bolsa, onyń ekeýi baılanystaǵy ata-ana. Jalpy, búginde 29 emdelýshi jatqyzylsa, sonyń 24-i emdelip shyqty. Ishinde 11 eresek adam, 9 bala jáne 4 qarym-qatynastaǵy ata-ana. Respýblıkalyq elektrondy densaýlyq saqtaý ortalyǵynan alynǵan negizgi tizim boıynsha, Almaty qalasy boıynsha bıylǵy 24 qańtar men 7 aqpan aralyǵynda Qytaıdan kelgender sany 6792 adamdy qurady. Baqylaýǵa alynǵandardyń barlyǵynyń jaǵdaıy qanaǵattanarlyq.
ALMATY
