Aımaqtar • 08 Aqpan, 2020

Almatynyń Almaly aýdanynda 200-ge jýyq aýla abattandyrylady

109 retkórsetildi

Almaty qalasynyń  ákimi Baqytjan Saǵyntaev Almaly aýdanynyń ákimi Bekqalı Torǵaevtyń eseptik kezdesýine qatysty. Jıynda aýdan ákimi ótken jyly atqarylǵan is-sharalarǵa qysqasha toqtaldy.

Basym mindetterdiń biri — aýla ishindegi keńistikterdi keshendi jańǵyrtý. Aýdanda 861 aýla aýmaǵy bar. О́tken jyly 215 aýlaǵa kúrdeli jóndeý júrgizildi. Aǵymdaǵy jyly 192 aýlany jóndeý josparlanýda. Osylaısha 40 myńnan astam turǵyn úshin qolaıly orta jaqsarmaq.

Aýdan ákimi B. Torǵaev málimdegendeı, ótken jyly 59 kóppáterli úıdiń turǵyndary «2020 jylǵa deıin óńirlerdi damytý» baǵdarlamasy boıynsha shatyrdy, ınjenerlik jelilerdi jáne 88 lıftti jańǵyrtqan. Aǵymdaǵy jyly turǵyn úıdi jańǵyrtý 2020-2025 jyldarǵa arnalǵan «Nurly jer» baǵdarlamasy boıynsha jalǵasady.
Aýdanda 7 eski úı buzylyp, onyń ornyna jańa úıler salyndy. Osylaısha 52 otbasynyń turǵyn úı jaǵdaıy jaqsarǵan.

Qala turǵyndary ıesiz jelilerdiń máselelerin jıi aıtady. О́tken jyly kommýnaldyq qyzmetkerlerdiń balansyna 8,5 shaqyrym elektr, jylý jáne káriz jelileri berildi. Aýdannyń 15,2 shaqyrym ıesiz jelileri men 18 transformatorlyq qosalqy stansalaryn berý boıynsha jumystar júrgizilýde.

 

ALMATY 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar